Rruga Qukës-Qafë Plloçë, e cila shkurton distancën mes Tiranës dhe Korçës ka marrë 49 mln euro të tjera për t’u mbaruar plotësisht. Kredia është dhënë nga Fondi Saudit për Zhvillim dhe do të shlyhet për 25 vitet në vazhdim.
Qeveria ka gjetur paratë për të përfunduar rrugën Qukës-Qafë Plloçë. 49 mln dollarë janë dhënë nga Fondi Saudit për Zhvillim, që kantieri i hapur 11 vite më parë të mbyllet në pjesën e mbetur të pashtruar.
Puna për rrugën duhej të mbyllej në vitin 2019, por nevojat për financime shtesë kanë bërë që deri më tani të mbyllet 70% e projektit. Për ministren e Financave, kushtet e kredisë arabe janë të favorshme në këtë moment, dhe është rënë dakord që ajo të shlyhet për 25 vjet.
Fatura e përgjithshme e investimit tashmë arrin180 milionë dollarë, ku pjesa kryesore është kredi e Bankës Islamike. Aksi është pjesë e korridorit rrugor Tiranë-Korçë dhe parashikon të ulë me 1 orë rrugën nga kryeqyteti për në juglindje.
LEXONI GJITHASHTU: