English

130 mln € më shumë do paguajnë shqiptarët për borxhin e rindërtimit

KOMENTE

SHPERNDAJE
ARTIKULLIN

Text sizeAa Aa

Qytetarët shqiptarë do të paguajnë të paktën 130 milionë euro më shumë për interesat e borxhit që shteti ka marrë për rindërtimin.

- Advertisement -

Ministria e Rindërtimit dhe ajo e Financave nuk morën kreditë e buta që i ofruan donatorët në Konferencën e Brukselit.

Interesat e këtyre kredive nuk i kalonin 2% dhe kostoja në buxhet për to nuk do të ishte më shumë se 60 milionë euro.

Duke zgjedhur formën e bonove të thesarit dhe eurobondit, qytetarët do të paguajnë për rindërtimin 190 milionë euro interesa, 130 milionë më shumë.

Kreditë e ofruara nga institucionet ndërkombëtare kapnin vlerën 750 milionë euro. Kaq do të mjaftonte për të paguar të gjitha projektet e rindërtimit.

Por me këto para, institucionet shqiptare do t’iu nënshtroheshin rregullave strikte të prokurimit publik dhe jo procedurave të kufizuara që zbatuan në kontratat me të cilat financuan rindërtimin.

Keqmenaxhimi i financave publike do të çojë paratë e taksapaguesve për interesa borxhi dhe jo për të zbutur çmimet e rritura të ushqimeve dhe lëndëve të para.

Për 10 vjet rresht buxheti do të paguajë 19 milionë euro për interesat e rindërtimit, nga 6 milionë euro që do të ishte fatura me kreditë e buta, të cilat kishin kriter të vetëm zbatimin e procedurave transparente të prokurimit.

“Fondet mund të auditohen nga audituesit e brendshëm, të jashtëm, nga KLSH, mund dhe do të auditohet nga donatorët”, qe shprehur Arben Ahmetaj, ministër i Shtetit për Rindërtimin.

Por donatorët nuk erdhën asnjëherë!

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×