“Gjykata më standard të dyfishtë”. Kështu deklaroi avokati Arbër Hoxha në një intervistë për Euronews Albania ku komentoi vendimin e gjykatës për dhënien e masës “arrest shtëpie” për shtetasin kinez, Liangbin Chen, i cili akuzohet për 140 mln euro mashtrim.
“Kemi të bëjmë me një arrestim provizor, kur kinezi kërkohet nga Kina me qëllim ekstradimi. Na bën përshtypje përdorimi i standardit të dyfishtë nga ana e gjykatës. Nën dijeninë time, në të njëjtën ditë shtetas shqiptar i ka lënë në arrest në burg dhe shtetasin kinez e ka lënë në “arrest shtëpie”. Veprime të tilla lenë shumë për të dëshiruar”, u shpreh avokati.
Ai tha se gjykata duhet të kërkonte garanci pasurore. “Ky rast është një kambanë alarmi për KLGJ”, tha Hoxha.
Një ditë më parë, Gjykata e Rrethit Gjyqësor Tiranë ndryshoi masën e sigurisë nga “arrest me burg” në “arrest shtëpie”, për shtetasin kinez, Liangbin Chen.
Chen nuk duhet të largohet nga banesa e tij dhe gjykata ka urdhëruar prokurorinë që të bëhet ruajtja e tij 24 orë nga punonjësit e policisë.
Liangbin Chen u arrestua në muajin korrik në aeroportin e Rinasit. Ai është në kërkim nga autoritetet kineze për mashtrim me pasoja të rënda. Vlera e mashtrimit për të cilën kërkohet nga autoritetet kineze shkon në 140 milionë euro.
LEXONI GJITHASHTU: