Humbjet në rrjetin energjetik vazhdojnë të jenë të larta në vendin tonë. Në 4-muajt e parë të vitit, ato përbënin 21% të të gjithë sasisë së energjisë elektrike të prodhuar.
Pra, nga 2.76 mln megavat që u prodhua nga Hidrocentralet, 590 mijë megavat u vodh ose nuk arriti të shkonte në rrjet për t’u konsumuar.
Humbjet më të mëdha teknike dhe joteknike u regjistruan në janar, muaj kur energjia e humbur ishte sa 25% ose sa ¼-ta e gjithë prodhimit dhe më tej ato ranë gradualisht deri në 18.6% në prill.
Të dhënat dalin nga raporti përmbledhës i Entit Rregullator të Energjisë për 4-mujorin e parë, të vitit dhe nëse kjo sasi energjie e humbur do të shitej në treg me çmimin e periudhës, rezulton se humbja në vlerë monetare arrin deri në 50 mln euro.
Humbjet e energjisë janë ulur vitet e fundit, si pasojë e aksioneve për prerjen e lidhjeve të paligjshme dhe investimeve në sistem. Megjithatë, në raport me disa vende të rajonit, raporti është më i lartë, çka tregon se ka ende punë për të bërë.
LEXONI GJITHASHTU: