Kontrolli i Lartë i Shtetit ka konstatuar dëm ekonomik dhe menaxhim jo efektiv të fondeve në vlerën mbi 2 miliardë lekë ose 20 milionë euro, në 4 muajt e parë të vitit. Dëmi është gjetur pas auditimit në 29 institucione qendrore dhe lokale.

Raporti analizon se vlera e efekteve financiare me pasojë dëm ekonomik në buxhetin e shtetit, është konstatuar në fushën e të ardhurave, në vlerën 18.5 mln euro, ose rreth 93% e totalit, kryesisht në të ardhurat e qeverisjes lokale”.

Pjesa tjetër konstatohet tek shpenzimet, konkretisht, në procedura prokurimi dhe zbatim punimesh, në vlerë të përgjithshme rreth 1.5 mln euro.

Mangësitë janë parë në përgatitjen e dokumentacionit të tenderit, hartimin e specifikimeve teknike dhe kritereve të vlerësimit dhe likuidimit të faturave për zërat e punimeve të pa kryera, ku peshën më të madhe e zënë Bashkia e Fierit, Shkodrës dhe Lezhës.

Gjatë kësaj periudhe, KLSH ka dhënë 689 rekomandime, shumicën prej të cilave për masa organizative dhe masa disiplinore.

LEXONI GJITHASHTU:

• Pacientët me leucemi, pa mjekim/ KLSH: Pse iu mohua bari “ibrutinib”
• Pagesat e PPP nuk llogariten borxh, KLSH: PPP rrisk për buxhetin publik