33 raste të reja me COVID-19 janë konfirmuar në Kosovë gjatë 24 orëve të fundit, ndërsa nuk është regjistruar asnjë rast vdekje.

Rastet pozitive kanë dalë nga 1,126 testime që janë kryer, nga ku janë konfirmuar edhe 23 të shëruar.

Që prej fillimit të pandemisë në të gjitha qytetet e Kosovës janë shënuar 223,230 raste shërimi nga COVID.

Aktualisht në vend janë 644 raste pozitive me virusin.

Ministria e Shëndetësisë njoftoi se në 24 orët e fundit janë dhënë 313 doza të vaksinës kundër COVID-19.

Sipas njoftimit, që prej fillimit të vaksinimit në të gjitha qytetet e Kosovës janë dhënë 1.818.721 doza të vaksinës.