Katër persona kanë humbur jetën nga COVID-19 gjatë 24 orëve të fundit në vend, ndërsa janë konfirmuar 659 raste të reja me virusin.
Kjo është dita e tretë radhazi që infektimet ditore janë nën shifrën 1000, gjë që tregon një trend rënieje të rasteve të reja.
Rastet e reja kanë dalë nga 3,136 testime që janë kryer, nga ku janë konfirmuar edhe 1,549 qytetarë të shëruar nga virusi. Që prej fillimit të pandemisë në vend, janë shënuar 247,636 raste shërimi nga COVID.
Aktualisht janë 13,608 persona të infektuar me COVID në Shqipëri.
152 persona janë të shtruar në spital, 15 prej të cilëve ndodhen në gjendje më të rënduar shëndetësore.
Ministria e Shëndetësisë i bën apel qytetarëve të vaksinohen sa më parë, si edhe të zbatojnë masat kundër COVID.
Qytetarët mbi 16 vjeç mund të vaksinohet në qendrën shëndetësore ose në pikën më të afërt të vaksinimit. Vaksinimi është i hapur edhe për fëmijët mbi 12 vjeç me probleme të sistemit imunitar, me rekomandim nga mjeku.
Statistika për datën 6 shkurt 2022 nga Ministria e Shëndetësisë
Raste të reja ditore 659
Të shëruar në 24 orë 1,549
Të shtruar në spitale 152
Humbje jete në 24 orë 4
Testime ditore 3,136
Shpërndarja gjeografike e rasteve aktive sipas qarqeve:
Tiranë 5,227
Fier 1,673
Shkodër 1,358
Vlorë 1,066
Elbasan 865
Gjirokastër 827
Berat 733
Lezhë 534
Korçë 498
Durrës 422
Kukës 277
Dibër 128