Shqipëria humbet çdo vit rreth 20 mijë banorë. Emgrimi drejt vendeve perëndimore, dominohet nga rikthimi i shqiptarëve në atdhe, ku përgjatë dekadës së fundit janë larguar 450 mijë vetë dhe janë kthyer 237 mijë.
Shifrat e migracionit neto tregojnë se vendi ynë ka humbur që nga viti 2011, 7.5% të banorëve të saj.
Të dhënat e nxjerra nga Instituti i Statistikave, tregojnë se ritmet e ikjes janë përshpejtuar në vitin 2021, ndërsa efektet e braktisjes janë parë në 11 qarqet e vendit, me përjashtim të Tiranës.
Emigracioni masiv i shqiptarëve nisi në vitin 1990, dhe 32 vite më pas shifrat e shpopullimit, nuk duket të jetë frenuar nga politikat vendase.
Italia, Greqia, SHBA dhe Gjermania janë vendet ku janë shpërngulur shumica e qytetarëve 3 dekadat e fundit, ku numri i emigrantëve arrin në 1.2 mln.
Shëndetësia, shkollimi, shërbimet shoqërore dhe në përgjithësi përmirësimi i cilësisë së jetës, janë bërë kërkesat kryesore që kanë motivuar largimin.
Ndërkohë, nga emigrimi në shekuj, diaspora shqiptare është edhe më e gjerë, duke u shtrirë në 5 kontinente me një komunitet, që arrin në 1.7 mln banorë nga vlerësimet e tërthorta.
LEXONI GJITHASHTU
- Bizneset në Vlorë ankohen për punëtorë, të rinjtë zgjedhin emigracionin
- Biznesi gjerman në Shqipëri përballet me frikën e emigrimit të punëtorëve
- Në kërkim të krahut të punës në Velipojë, të rinjtë me sytë nga emigrimi