Ditën e djeshme zëvendëskryeministrja dhe Ministrja e Energjetikës, Belinda Balluku, ka prezantuar aktin normativ të miratuar nga Këshilli i Ministrave në kuadër të masave për përballimin e krizës energjetike. Çdo institucion do të mbikëqyret nga një administrator, i cili do të ketë synim të ulë konsumin e energjisë elektrike, ndërsa titullarët e tyre do të gjobiten me një masë prej 50 mijë lekësh të reja.
Sipas saj, kjo energji është ekuivalente me 3.4 miliardë lekë dhe do të jetë një tjetër alternativë kursimi që i shtohet masave të marra deri tani nga qeveria.
Aktivistja Rezarta Caushaj tha në emisionin “Goodmorning Albanians”, se nisma e qeverisë është demonstrative pasi mungon transparenca.
Sipas saj, publiku e ka të vështirë ta verifikojë masën se sa do të zbatohet, pasi nuk ka transparencë për konsumin e administratës më herët, por ka një perceptim se shpenzimi është i madh.
“Bëhet fjalë për një ulje të konsumit me 15 përqind krahasuar me faturën e mëparshme. Por nëse administrata ka qenë e lirshme në shpenzimin e energjisë, s’do ta ndiejë fare masën e vendosur nga qeveria”, tha aktivistja.
LEXONI GJITHASHTU: