Të mërkurën 6 gjyqtarë të Gjykatës Kushtetuese votuan kundër shkarkimit të presidentit Ilir Meta, vetëm 1 votoi pro.

Anëtarët e Gjykatës Kushtetuese që votuan kundër shkarkimit të Metës janë: Vitore Tusha, Elsa Toska, Marsida Xhaferllari, Fiona Papajorgji, Përparim Kalo dhe Sonila Bejtja. Ndërsa pro shkarkimit votoi Altin Binaj.

Në vendim Gjykata Kushtetuese hedh poshtë pretendimet se Meta nuk ka përfaqësuar unitetin e popullit. Gjykata ka rrëzuar edhe pretendimet se Meta me veprimet e tij ka cenuar marrëdhëniet me partnerët strategjik.

Edhe për cenimin e sigurisë publike dhe të pavarësisë e organeve publike, Gjykata Kushtetuese argumenton se nuk ka fakte që të fajësojnë Metën.

Për Presidencën vendimi nuk ishte aspak surprizë, ndërsa çështja ndaj tij as nuk duhet të kishte filluar.