Shërbimet e Policisë Rrugore të Tiranës, në zbatim të masave shtesë të marra gjatë fundjavës, me qëllim rritjen e parametrave të sigurisë rrugore, kanë intensifikuar kontrollet, me qëllim parandalimin e aksidenteve rrugore.
Si rezultat i monitorimeve parandaluese, brenda 24 orëve të fundit, janë arrestuar/ndaluar në flagrancë shtatë shtetas, njëri prej tyre i shpallur në kërkim.
Specialistët e Qarkullimit Rrugor arrestuan në flagrancë, për veprën penale “Drejtimi i automjeteve në mënyrë të parregullt”, shtetasit: O. N., 39 vjeç, Z. Xh., 40 vjeç, G. A., 46 vjeç, A. T., 54 vjeç, F. O., 25 vjeç dhe K. L., 22 vjeç, pasi drejtonin mjetet përkatëse në gjendje të dehur.
Gjithashtu u vu në pranga shtetasi F. C., 42 vjeç, pasi Gjykata e ka dënuar me 2 muaj burgim, për veprën penale “Drejtimi i automjetit në mënyrë të parregullt”.
LEXONI GJITHASHTU:
- I dehur në timon tentoi të korruptojë policinë rrugore, arrestohet 59-vjeçari
- Reshjet e dendura të shiut shkaktojnë përmbytje në disa akse rrugore të Vlorës