Një 67-vjeçar në Lezhë ka rënë në prangat e Policisë, pasi ka kërcënuar nipin e tij me armë zjarri, pas një konflikti për motive pronësie.
Përmes një njoftimi Policia ka bërë të ditur se në cilësinë e provës materiale u sekuestrua arma e zjarrit tip pistoletë dhe minicion luftarak.
Materialet proceduriale i kaluan Prokurorisë për veprime të mëtejshme, ndërkohë që mbi 67-vjeçarin rëndojnë akuzat për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”.
Njoftimi i Policisë:
Lezhë-Ndërhyrja në kohë e Policisë, parandaloi përshkallzimin e një koflikti me armë zjarri mes xhaxhait dhe nipit.
Policia sekuestron një armë zjarri psitoletë dhe municion luftarak.
Vihet në pranga 67-vjeçari që kërcënoi nipin e tij, me armë zjarri, për motive pronësie.
Me marrjen e njoftimit për një konflikt në fshatin Mërqi, ku shtetasi P.N kanoste me armë zjarri nipin e tij shtetasin F.N, shërbimet e Komisariatit të Policisë Lezhë dhe të Forcës “Shqiponja” kanë shkuar menjëherë në adresën e dhënë.
Falë ndërhyrjes në kohë është parandaluar përshkallëzimi i konfliktit dhe është sekuestruar arma e zjarrit pistoletë me municion luftarak, që dyshohet se e posedonte shtetasi P. N., 67 vjeç, banues ne Merqi, Lezhë.
Gjatë kontrollit në banesën e këtij shtetasi u gjet edhe një sasi municioni luftarak.
Në përfundim te veprimeve të para hetimore, specialistët për Hetimin e Krimeve të Komisariatit të Policisë Lezhe bënë arrestimin ne flagrancë të shtetasit P. N., për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
LEXONI GJITHASHTU:
- VIDEO| Grabitja me pistoletë lodër karburantin në Vlorë, si u arrestuan të rinjtë
- Me pistoletë dhe municion luftarak në lokal, arrestohet 27-vjeçari në Tiranë
