Një gjykatës në shtetin amerikan të Illinois dënoi sot Robert Crimo III me burgim të përjetshëm pa mundësinë e lirimit me kusht për të shtënat masive në paradën e Ditës së Pavarësisë në periferi të Çikagos në vitin 2022, kur shtatë persona vdiqën dhe më shumë se 40 u plagosën, njoftuan mediat lokale.

Ai u dënua me shtatë burgime të njëpasnjëshme të përjetshme dhe u akuzua se u ngjit në çatinë e një ndërtese në qendër të Parkut Highland, rreth 40 kilometra në veri të Çikagos dhe hapi zjarr ndaj spektatorëve dhe pjesëmarrësve në paradën e 4 korrikut 2022, raportoi Reuters.

Crimo, 24 vjeç, u deklarua fajtor në mars për shtatë akuza për vrasje të shkallës së parë dhe 48 akuza për sulm të rëndë, pak para se të fillonte gjyqi i tij në të shtënat në Highland Park.

LEXONI GJITHASHTU:

• Biden ndryshon 37 nga 40 dënimet me vdekje në burgim të përjetshëm
• Përdhunimi i 13-vjeçares në Itali nga 7 egjiptianë, Salvini: Të kastrohen kimikisht