Rreth 82% e familjeve shqiptare kanë në pronësi banesën ku jetojnë. Në krye është Berati, aty ku 91% e njësive ekonomike familjare kanë në pronësi një banesë, pasuar nga Gjirokastra dhe Fieri.

“Prona ka një koncept të shenjtë dhe ende vijon ideja që prona është diçka e shenjtë. Të jep siguri, qetësi, komoditet për vazhdimësinë, por mbi të gjitha ne ende nuk kemi një shtet social, i cili na garanton politika strehimi apo punësimi, që ne të investojmë në investime të tjera”, thotë Orgest Beti, konsulent imobiliar.

Kryeqyteti ka numrin më të lartë të familjeve që jetojnë me qira me 16%, ndërkohë familje pronare në Tiranë janë 76%. Investitorët më të mëdhenj janë emigrantët, të cilët ndër vite kanë kontribuar që prindërit e tyre apo dhe familjarët të kenë të sigurt një banesë pavarësisht rrethanave.

“Në vendet e tjera duhet të kuptojmë që ata e kanë shumë larg punën, pra nuk mund të qëndrojnë në një apartament dhe më pas punën ta kenë shumë larg. Në Shqipëri distancat i kemi të afërta dhe kur blen një apartament, pozicionohet aty dhe ndërton të ardhmen për vete dhe fëmijët e tu”, shprehet konsulenti imobiliar.

Në Europë, Shqipëria është vendi i dytë pas Maqedonisë së Veriut për përqindjen më të lartë të popullsisë që ka në pronësi një banese.

LEXONI GJITHASHTU:

• Gjirokastër| Efektet negative të turizmit, kërkesat për shtëpi ditore rrisin qiratë
• Një në tre shtëpi e pabanuar; në Vlorë 51% e banesave bosh