Berisha mbledh Kryesinë: Sot del emri i kandidatit për Tiranën

Në selinë e Partisë Demokratike ka nisur mbledhja e Kryesisë së vogël në PD, ku të pranishëm janë kreu i PD, Sali Berisha, Gazment Bardhi, Flamur Noka, Oerd Bylykbashi dhe Agron Gjekmarkaj. Të pranishëm janë edhe përfaqësues të grupit negociator me aleatët Belind Këlliçi dhe Ilir Alimehmeti.

Në këtë mbledhje do diskutohet për kandidatët të cilët kanë shprehur dëshirën për të kandiduar si të pavarur për Tiranën.

Gazetari Ardit Hoxha e pyeti kryedemokratin Berisha nëse PD do të dalë sot me një emër si kandidaturë për bashkinë Tiranën dhe sipas të gjitha gjasave emri do të dalë sot, por do të ketë diskutime edhe me koalicionin,

Fjala e Berishës para mbledhjes së Kryesisë

Një falënderim dhe mirënjohje të sinqertë për të gjithë ata qytetarë, intelektualë, personalitete që shprehen dëshirën dhe gatishmërinë e tyre për tu përballur në interesin më të mirë të qytetarëve të Tiranës, me të keqen që ka vetëm një emër: Edi Rama.

Pyetje: Do kemi kandidat, një emër sot…

Sali Berisha: Shpresoj se po, por do të ketë diskutime edhe me koalicionin. Shpresoj se po.

Pyetje: A kanë ardhë shumë propozime nga kandidatë të pavarur?

Sali Berisha: Janë disa, janë disa. Janë, sepse ka që e kanë shpallur publikisht ka të tjerë që e kanë shprehur dëshirën.

Pyetje: Cilët janë emrat që kanë shprehur dëshirën? Emrat më të njohur.

Sali Berisha: Emrat më të njohur janë bërë publik në media dhe disa prej tyre i kam mësuar nga ju. Unë i kam mësuar nga mediat disa. Të tjerë janë pedagogë universitetesh, personalitete të ndryshme që duhet të ju marr përpara miratimin që ti bëjmë publik, se ata kanë ndjekur rrugën që të mi dërgojnë këtu, e jo ti bëjnë publike.

Pyetje: Sot kryesia e vogël e zyrtarizon kandidatin kryesor për Tiranë?

Sali Berisha: Do të merret dhe mendimi i aleatëve, sepse jemi në një përpjekje të përbashkët.

Pyetje: Do të bëhet sot e ditur…

Sali Berisha: Shpresoj se po.

LEXONI GJITHASHTU:

• Berisha flet pas daljes nga SPAK: Dosja e Arubas po mbahet e fshehur
• Rama tregon pse zgjodhi Manastirliun për Tiranën: Kam dëshmitarë