Kryetari i Aleancës për Ardhmërinë e Kosovës, Ramush Haradinaj është shprehur i lumtur pas përfundimit të procesit të votimit, pasi sipas tij në zgjedhjet e sotme të përgjithshme ka fituar opozita.

Haradinaj shprehet se partitë opozitare tashmë duhet të angazhohen që sa më shpejt të formojnë institucionet.

Pas mbylljes së procesit zgjedhor Haradinaj shprehet i pakënaqur me rezultat e exit polleve teksa shprehet i bindur se si AAK kanë rezultate dy shifrore.

Kreu i AAK-së thotë se janë të hapur për të bërë koalicion me dy partitë opozitare LDK dhe PDK.

Haradinaj deklaron se nuk të bëjnë koalicion me Lëvizjen Vetëvendosje.

“Jo, ju fola jemi gëzuar që është krijuar mundësia me krijua qeverinë opozita dhe do të bashkëpunojmë me partitë opozitare”, tha ai.

Sipas të dhënave preliminare të Komisionit Qendror të Zgjedhjeve nga 2 mijë e 297 vendvotime apo 90.68 për qind e tyre nga 2.533 sa janë, në zgjedhjet për Kuvendin e Kosovës kanë votuar 40.04 për qind.

LEXONI GJITHASHTU:

• Haradinaj takon ambasadorin britanik: Rruga jonë drejt NATO-s është e pakthyeshme
• Numërohet 1% e kutive të votimit, Lëvizja Vetëvendosje në avantazh