Kryeministri i Kosovës Albin Kurti mori pjesë këtë të mërkurë në forumin që u mbajt për Ballkanin Perëndimor në Bratislavë.

Gjatë fjalës në panelin përballë të pranishmëve Kurti foli dhe në lidhje me situatën në veri të Kosovës. Pyetjes nëse do të takohet me presidentin Vuçiç, ai iu përgjigj me po, pasi sipas tij marrëveshja me njohjen de facto të Kosovës nga Serbia duhet të vijojë.

Pyetje: A jeni i gatshëm të takoheni me presidentin Vuçiç?

Kurti: Jam i gatshëm, më pëlqen marrëveshja dhe njohja defacto. Dua ti mbroj serbët jam dhe kryeministër i tyre. Kam vuajtura shumë në jetën time, nuk dua që të tjerët të vuajnë. E di çfarë do të thotë të ndihesh i papërfaqësues dhe i pazë, ata duhet të jenë përfaqësuesit e fundit. Nuk mund ta kompensoj presidentin Vuçiç për humbjet që ka pasur qeveria për shkak të regjimet e Milloçeviçit. Jam këtu për të garantuar që serbët ti gëzojnë të gjitha të drejtat.

Pyetje: 6 mijë deri në 10 mijë kosovarë ishin përllogaritur të vrarë, përmes asaj që BE dhe SHBA e kanë konsideruar si spastrim etnik. A ekziston ndjenja e urrejtjes mes dy palëve?

Kurti: Në 2 maj bashkë me presidentin Vuçiç, miratuam një deklaratë për personat e pagjetur dhe për të gjetur drejtësinë. Duhet të përdorim teknologjinë për të zbuluar varrezat masive, pasi shtresat gjeologjike të dheut, mund të japin një lloj indikacioni dhe të hapim arkivat. Plagët mbeten të pashëruara, janë ende të hapura. Dhe njerëzit janë në ankth sidomos në pranverë, pasi atëherë ka ndodhur masakra. Për personat e pagjetur kemi 1 e 600 persona, ku lloj ankthi e hidhërimi janë më të mëdha se zia dhe dëshpërimi, shpresoj që do ta trajtojmë me integritet të lartë.