Komisioni Evropian propozoi të enjten dy plane veprimi për të trajtuar situatën e përkeqësuar të sigurisë pas pushtimit rus të Ukrainës, për të forcuar mbrojtjen kibernetike dhe për të lejuar Forcat e Armatosura të lëvizin më shpejt dhe më mirë përtej kufijve.

Ekzekutivi i BE-së tha se sulmet kibernetike ruse ndaj vendeve të Bashkimit Evropian dhe partnerëve të tyre ishin një thirrje “për zgjim”, shkruan Reuters.

“Lufta është kthyer në kufijtë tanë dhe agresioni i Rusisë kundër Ukrainës po minon paqen dhe sistemin ndërkombëtar të bazuar në rregulla globale,” theksoi shefi i politikës së jashtme të BE-së, Josep Borrell në një konferencë për shtyp.

Ndërsa, Sekretari i Përgjithshëm i NATO-s, Jens Stoltenberg paralajmëroi për kërcënimet në rritje të sulmeve kibernetike.

Nisma është pjesë e një sërë masash të propozuara nga Komisioni për të forcuar sigurinë kibernetike të BE-së mes një vale sulmesh kibernetike ndaj qeverive dhe bizneseve në mbarë botën.

LEXONI GJITHASHTU

• Brukseli bën thirrje për forcim ushtarak dhe mbrojtje më të lartë kibernetike

• Zyrtarë amerikanë dhe shqiptarë takim për mbrojtjen kibernetike