Të premten “Air Albania Stadium” do të presë yjet e futbollit të Shqipërisë, Turqisë, Italisë dhe Greqisë, në një sfidë bamirësie për të prekurit nga tërmeti tragjik i 26 nëntorit.

Për këtë ndeshje do të zbresin në fushë disa nga legjendat e futbollit shqiptar si Lorik Cana, Erjon Bogdani, Nderim Nexhipi, Artim Shaqiri, Besnik Hasi, Ansi Agolli, Edvin Murati, Foto Strakosha apo Igli Tare, që do të provojnë dhe një herë emocionet e fushës së blertë.

Kjo fatkeqësi e rëndë natyrore, e cila goditi Shqipërinë la pas 51 persona të vdekur, ndërsa qindra familje në qarqet e Tiranës, Durrësit dhe Lezhës humbën shtëpitë e tyre.