Një aksident i rëndë ka ndodhur këtë të enjte në Bulqizë ku për pasojë ka humbur jetën një 59-vjeçare.

Rreth orës 15:50, në vendin e quajtur “Ura e Vocit”, Bulqizë, shtetasi S.H., 64 vjeç, banues në Fushë-Bulqizë, duke drejtuar automjetin e tij, ka humbur kontrollin mbi drejtimin e automjetit.

Për pasojë automjeti ka dalë nga rruga duke aksidentuar këmbësoren, shtetasen H.M., 59 vjeçe, e cila ka ndërruar jetë.

Drejtuesi i automjetit është shoqëruar në Komisariat për veprime të mëtejshme, ndërsa grupi hetimor ndodhet në vendngjarje dhe po punon për zbardhjen e shkaqeve dhe rrethanave të aksidentit.

LEXONI GJITHASHTU:

• Aksident i rëndë në Shkodër, ndërron jetë 25-vjeçari
• Aksident në Pogradec, humb jetën 55-vjeçari