Teksa kryeministrja italiane, Georgia Meloni, gjendej në Lezhë ditën e sotme për të vizituar punimet në kampin e emigrantëve, disa aktivistë u grumbulluan në shenjë proteste kundër ardhjes së saj.
Ndërsa Meloni dhe Rama mbanin fjalimet e tyre, aktivistët protestuan me pankarta në duar dhe fjalimin e Benito Musolinit në sfond.
“7 prill 1939, Shqipëria është italiane, 5 nëntor”, shkruhej në banderolën që shpalosën aktivistët.
Aktivistët u shoqëruan nga Policia dhe po mbahen në mjediset e komisariatit, ndërsa po merren ende në pyetje.
Siç mësohet, aktivistët i përkasin grupit i cili pak kohë më parë ka zhvilluar edhe një protestë para Gjykatës Kushtetuese në kohën kur atje diskutohej marrëveshja e emigrantëve me Italinë.
Marrëveshja mes kryeministrave Edi Rama dhe Giorgia Meloni parashikon strehimin në Gjadër të emigrantëve afrikanë që do të kthehen nga Italia, të cilët do të qëndrojnë aty deri në një vendim për ‘fatin e tyre’ në vendin fqinj.
LEXONI GJITHASHTU:
- Investigimi i Rai3, Meloni: Për të sulmuar qeverinë italiane, po goditet një partner
- Deputeti italian përplaset me Melonin në Shëngjin: Po krijoni një Guantanamo, turp!