Aktualitet

77 raste të reja me COVID-19 dhe 2 viktima në 24 orë, Tomini: Situata në spitalin infektiv është serioze

Përditësimi i fundit: 26/06/2020 - 10:38
Text size Aa Aa

Gjatë 24 orëve të fundit në vendi tonë janë kryer 402 testime nga të cilët kanë rezultuar pozitivë me COVID-19, 77 persona.

Në komunikimin e përditshëm me publikun, dr. Eugena Tomini nga Instituti i Shëndetit Publik bëri me dije se në 24 orët e fundit kanë humbur jetën 2 pacientë në Spitalin Infektiv.

“Dy humbjet e jetës kanë qenë të papritura. Një 76-vjeçar nga Tirana, me disa sëmundje bashkëshoqëruese, pasi ishte përmirësuar pas 15 ditësh trajtim, ka pësuar tromboemboli pulmorare. Dhe një 54-vjeçar në gjendje të rëndë, me insuficencë renale, ka ndërruar jetë në urgjencën e spitalit. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve.

Situata paraqitet serioze në spitalin infektiv ku aktualisht po trajtohen 87 pacientë, 15 prej tyre janë në terapi intensive, ndërsa 2 janë të intubuar.

Ndërkohë, 48 qytetarë janë shëruar, duke e çuar në 1298 numrin e të shëruarve që nga fillimi i epidemisë.

Shpërndarja gjeografike e rasteve është si vijon: Tirana 28 raste, Shkodra 13 raste, Durrësi dhe Korça me nga 5 raste; nga 4 raste Delvina dhe Berati; nga 3 raste në Fier, Kurbin dhe Pukë; nga 2 raste në Elbasan dhe Kamëz; nga 1 rast përkatësisht në Krujë, Tropojë, Librazhd, Gjirokastër, Sarandë.

Në vendin tonë aktualisht janë 920 persona aktivë me COVID-19, kryesisht në Tiranë, Shkodër, Durrës.

Kanë vazhduar testimet serologjike në Laboratorin e Mikrobiologjisë në QSUT. Janë kryer 3380 testime në personel shëndetësor me një pozitivitet të përgjithshëm 6%”, tha dr. Tomini.

COVID-19 – Statistika (26 Qershor 2020)

Testime totale                         25563

Raste pozitive                         2269

Raste të shëruara                   1298

Raste Aktive                           920

Humbje jete                            51 (Qarku Tiranë 30, Durrës 9, Fier 4, Vlorë 1, Shkodër 5, Kukës 1, Elbasan 1)

Shpërndarja gjeografike e rasteve aktive sipas qarqeve:

Tiranë                   375

Durrës                  174

Shkodër               154

Vlorë                      84

Fier                        44

Lezhë                    27

Korçë                     25

Kukës                    13

Elbasan                 12

Gjirokastër              7

Berat                      5

Tregime të lidhura