Aktualitet

1.7 milionë dollarë për inceneratorët, ministrja Balluku rialokon fonde, ishin planifikuar për ujësjellës

Përditësimi i fundit: 01/10/2020 - 16:54
Text size Aa Aa

Në kulmin e krizës ekonomike, ministrja e Infrastrukturës, Belinda Balluku ricakton fonde nga programe të tjera për t’i çuar për impiantet e përpunimit me djegie të mbeturinave, njeri prej të cilëve ende nuk punon.

Në muajin prill qeveria pezulloi 800 milionë lekë pagesa për koncesionarët e inceneratorëve të Fierit dhe Elbasanit. Për dy nga tre inceneratorët e vendit, njëri prej së cilëve nuk punon dhe tjetri nuk është ndërtuar ende, qeveria ngriu pagesat.

Pezullimi u bë me miratimin e Aktit Normativ për rishikimin e buxhetit, por me lehtësimin e masave anti-Covid në qershor, për inceneratorin e Elbasanit u krye transaksioni i parë me vlerë 98 milionë lekë.

Ndërkohë, një vendim i fundit i qeverisë, duket se ka rikthyer pagesat për koncesionarët e mbetjeve në Fier dhe Elbasan.

Bëhet fjalë për ricaktimin e një fondi 179 milionë lekë (rreth 1.7 milionë dollarë), i cili hiqet nga zëri “Furnizim me ujë dhe kanalizime” për t’u kaluar te kompanitë koncesionare.

Pakësimi fondeve për mirëmbajtjen dhe investimet publike pritet të ngjallë debat. Euronews Albania ka kërkuar informacion zyrtar në Ministrinë e Infrastrukturës dhe Energjisë për të shpjeguar këtë vendim.

Janë tre inceneratorë në vend, Tiranë, Elbasan dhe Fier, të cilët kanë marrë nga buxheti i shtetit deri më tani 53 milionë euro në 111 pagesa, nga 128 milionë në total.

 

Lexoni gjithashtu:

PD paralajmëron kallëzim në SPAK për inceneratorin e mbetjeve në Tiranë

Hetim për inceneratorët, SPAK vihet në lëvizje pas kallëzimit të Nismës “Thurje”

PD akuza Bashkisë Tiranë për përfshirje në pastrimin e parave të mafies italiane

Mbetjet e Durrësit, eksperti i mjedisit Ferruni: Politika aktuale vështirë të ndryshojë gjë

PD akuza qeverisë se mbylli landfillin e Porto Romanos për 100 milionë euro pazare me mafien e plehrave

Tregime të lidhura