Aktualitet

COVID-19, ulet numri i vdekjeve, 707 raste të reja në 24 orët e fundit

Përditësimi i fundit: 13/01/2021 - 17:41
Text size Aa Aa

Ministria e Shëndetësisë dhe e Mbrojtjes Sociale bën me dije se katër qytetarë kanë humbur jetën në 24 orët e fundit nga Covid-19, ndërsa nga kryerja e 3307 testimeve, 707 prej tyre kanë rezultuar pozitivë.

Sipas ministrisë, në katër spitalet COVID po trajtohen 268 pacientë, 29 në terapi intensive nga të cilët 4 pacientë janë të intubuar.

Autoritetet kërkojnë nga qytetarët të kujdesen për ruajtjen e higjienës personale dhe distancimin fizik, si përpjekje për të frenuar përhapjen e mëtejshme të Covid-19.

 

 

Shpërndarja gjeografike e rasteve aktive sipas qarqeve:

Tiranë - 14542

Fier - 1819

Shkodër - 1384

Durrës - 1363

Lezhë - 998

Vlorë - 1028

Korçë - 934

Elbasan - 968

Berat - 812

Dibër - 536

Gjirokastër - 461

Kukës - 373.

Ministria po ashtu u bën thirrje qytetarëve që në rast se kanë shenja të ngjashme me ato të Covid-19, të konsultohem menjëherë me mjekun për të nisur ekzaminimet përkatëse. Qarku më i prekur nga Covid-19 në Shqipëri është Tirana, qark ky, i cili kryeson si për numrin e rasteve të infeksionit ashtu dhe për numrin e viktimave.

Shqipëria prej tre ditësh vijon procesin e vaksinimit kundër Covid-19, ndërsa personat e parë që morën vaksinën “Pfizer” ishin shefja e Infektivit Najada Çomo dhe kryeministri Edi Rama. Stafi mjekësor është kategoria e parë, e cila është programuar nga MSH-ja të marrë vaksinën kundër virusit vdekjeprurës.

 

Tregime të lidhura