Përmbytjet në Australi detyrojnë shpërnguljen e mijëra banorëve

KOMENTE

SHPERNDAJE
ARTIKULLIN

Text sizeAa Aa

Rreth 18 mijë australianë janë detyruar të shpërngulen pas përmbytjeve në bregun lindor, rajon në të cilin banon një e treta e popullsisë së Australisë. Autoritetet kanë bërë thirrje për kujdes teksa fatmirësisht nuk ka pasur viktima.

Disa ditë me shira të dendura kanë bërë që lumenjtë të fryhen dhe rezervuarët të tejkalojnë kapacitetet mbajtëse në rrethinat e kryeqytetit, Sidnej, në rajonin e Queensland apo dhe në New South Wales.

Zyrtarët australianë kanë thënë se situata e pazakontë që po ndodh aktualisht nuk është parë prej së paku 50 vite dhe shirat mund të vijojnë gjatë gjithë javës. Për këtë është kërkuar që të kihet kujdes.

Lumenjtë Hawkesbury dhe Nepean, të cilat kufizojnë Sidnejn me rajonin verior dhe perëndimor, arritën të hënën nivele më të larta se ato të vitit 1961 ku Australia vuajti përmbytje shkatërrimtare.

Sipas parashikimeve të autoriteteve, lumi Hawkesbury mund të arrijë shumë shpejt pikun prej 13 metrash si nivel. Situatë e vështirë përshkruhet edhe në rezervuarin Warragamba të Sidnejt.

Emergjencat civile kanë kryer së paku 750 ndërhyrje kërkim-shpëtimi duke ndihmuar kryesisht qytetarë të ngecur nëpër makina.

Në New South Wales janë detyruar të shpërngulen 15 mijë banorë, ndërsa në Sidnej rreth 3 mijë, ndërkohë nga përmbytjet dëme të konsiderueshme mund të kenë pësuar zona të mbrojtura të cilat janë strehë për kafshë të egra.

Fluturimet janë pezulluar në aeroportin e Newcastle, rreth 17 kilometra në veri të Sidnejt.

Etiketimet

Frika nga varianti Delta, ekspertët e BE kërkojnë ritme më të shpejta vaksinimi

Varianti Delta i COVID-19, shfaqur fillimisht në Indi vazhdon të përhapet. Agjencia shëndetësore e Bashkimit Europian shprehet se varianti shumë i transmetueshëm Delta i COVID-19,...

Një aktivist vrapoi me flamurin e LGBTI në fushën e Mynihut gjatë ndeshjes me Hungarinë

Një aktivist zgjodhi momentin kur ekipi i Hungarisë po këndonte himnin para ndeshjes me Gjermaninë, në Kampionatin Europian për të vrapuar në fushë me...

Macron pret Kurtin, presidenti francez: Të arrihet akordi me Serbinë, do keni mbështetjen tonë

Presidenti i Francës, Emmanuel Macron i ka përcjellë kryeministrit të Kosovës, Albin Kurtit mesazhin se Prishtina dhe Beogradi duhet të gjejnë kompromisin për një...

Regjistrohu për të marrë NEWSLETTER