Marrëveshja me Iranin, BE merr drejtimin e negociatave, por shtohen aktorët

KOMENTE

SHPERNDAJE
ARTIKULLIN

Text sizeAa Aa

Ka ende shpresë për një marrëveshje bërthamore me Iranin. Shtetet e Bashkuara janë rikthyer në tryezën e bisedimeve, pas më shumë se tre vjetësh tensione, që kur ish-presidenti Donald Trump vendosi të tërhiqej nga marrëveshja e mëparshme.

Edhe një herë, Bashkimi Europian ka marrë drejtimin e negociatave, por janë një sërë faktorësh që mund të shpjegojnë këtë lëvizje, duke filluar nga ardhja e Joe Biden në krye të Shtëpisë së Bardhë.

Analistët politikë besojnë se qasja e re e Shteteve të Bashkuara ka të bëjë edhe me përshpejtimin e rimëkëmbjes ekonomike.

“Joe Biden është i fokusuar në ekonominë e SHBA-së, në rimëkëmbjen e saj pas COVID-it, dhe gjëja e fundit që ai dëshiron është një krizë nukleare me Iranin. Prandaj mendoj se është prioritet për të,” – u shpreh Barbara Slavin, drejtoreshë e Iniciativës mbi Iranin për Këshillin e Atlantikut.

Një tjetër element kyç është edhe fakti që presidenti iranian do të lërë postin e tij pas dy muajsh dhe ekziston mundësia që faktori politik në Iran që e kundërshton marrëveshjen të mund të vijë në pushtet.

Megjithatë, duke marrë parasysh krizën ekonomike, heqja e sanksioneve është një çështje e interesit kombëtar.

“Kjo është një marrëveshje e rëndësishme për Iranin, që kapërcen fraksionet e ndryshme politike. Lideri suprem nuk ishte entuziast, por dha mbështetjen e tij. Kjo nënkupton se edhe ata që e kundërshtojnë nuk do të mund ta kompromentojnë një marrëveshje të mundshme. Çështja është nëse marrëveshja do të arrihet përpara zgjedhjeve në Iran, pasi kanë mbetur vetëm pak muaj kohë,” – tha Slavin.

Edhe një herë, Shtetet e Bashkuara të Amerikës do të kenë fjalën e fundit në bisedime. Megjithatë, nuk duhet anashkaluar roli i Kinës. Arsyeja është marrëveshja 400 miliardë dollarëshe me Iranin, e cila u nënshkrua vetëm dy javë më parë.

“Në mënyrë figurative, diplomacisë amerikane i është shtruar një tapet i kuq. Normalisht, roli i lidershipit i ofrohet gjithmonë amerikanëve, por kemi edhe elementin surprizë në bisedime. Kina, me gjithë potencialin e saj ekonomik, ka detyruar kryenegociatorin iranian ta përfshijë në këtë mbledhje,” – analizoi konsulenti ndërkombëtar, Majid Golpour.

BE-ja është koordinatori kryesor në bisedimet e Vjenës. Iniciativa për bisedime me Iranin u ndërmor dy dekada më parë nga shefi i Politikës së Jashtme dhe marrëveshja e nënshkruar me Iranin është një ndër rezultatet më të rëndësishme të diplomacisë europiane.

Takimi i ardhshëm do të mbahet ditën e premte, por marrëveshja nuk do të jetë e lehtë për t’u arritur.

 

LEXONI GJITHASHTU: 

 


Etiketimet

Bllokimi i fluturimeve në Rinas, Rama: Meta dhe Berisha duan të kthejnë kaosin në vend

Kryeministri Edi Rama gjatë një takimi me banorët e zonës në Dropullit në Gjirokastër u shpreh se me bllokimin e punës në aeroportin “Nënë...

Inter shkon në 11 pikë, thellon diferencën me ndjekësit dhe afrohet me titullin

Inter ka arritur një fitore shumë të rëndësishme ndaj Sasuolos, duke triumfuar në shifrat 2-1 e duke thelluar diferencën me vendin e dytë në 11...









Regjistrohu për të marrë NEWSLETTER