Tensionet mes Brukselit dhe Pekinit, BE pezullon ratifikimin e marrëveshjes për investime me Kinën

KOMENTE

SHPERNDAJE
ARTIKULLIN

Text sizeAa Aa

Bashkimi Europian ka pezulluar përpjekjet për të ratifikuar një marrëveshje investimi me Kinën për shkak të tensioneve midis Brukselit dhe Pekinit.

Marrëveshja u arrit në parim dhjetorin e kaluar, por ende nuk kishte marrë miratimin e nevojshëm nga institucionet e BE-së, të tilla si Parlamenti Evropian.

“Tani për tani […] kemi pezulluar disa përpjekje të ndërgjegjësimit politik nga ana e Komisionit sepse është e qartë se, në situatën aktuale, me sanksionet e BE-së kundër Kinës dhe kundër-sanksioneve kineze, përfshirë këtu kundër anëtarëve të Parlamentit Evropian, mjedisi nuk është i favorshëm për ratifikimin e marrëveshjes”, i tha Valdis Dombrovskis, nënkryetar ekzekutiv i Komisionit Evropian, agjencisë franceze të lajmeve AFP.

“Ne nuk mund të injorojmë kontekstin më të gjerë të marrëdhënieve midis BE dhe Kinës. Në çdo rast, arsyet themelore të marrëveshjes […] janë ende shumë të pranishme, ekziston gjithmonë një asimetri në marrëdhëniet [me Kinën]. Kjo marrëveshje do të na ndihmonte të zgjidhim këtë asimetri”, u shpreh ai më tej.

E ardhmja e marrëveshjes është hedhur tashmë në dyshim pas një ballafaqimi të fundit diplomatik midis Brukselit dhe Pekinit.

Në muajin mars, Bashkimi Evropian vendosi sanksionet e para kundër Kinës në më shumë se 30 vjet. Masat e  hartuara në koordinim me aleatët perëndimorë, synonin katër zyrtarë kinezë dhe një njësi ekonomike që besohet të jetë përfshirë në shkeljet e pretenduara të të drejtave të njeriut të pakicës Uyghur Muslin.

Ministria e Jashtme kineze reagoi me shpejtësi, duke sanksinuar mbi dhjetë individë evropianë, përfshirë pesë anëtarë të Parlamentit Evropian dhe katër njësi, mes të cilave ishte nënkomiteti i Parlamentit Evropian për të drejtat e njeriut.

Pekini gjithashtu renditi në listën e zezë zyrtarë të zgjedhur në mënyrë demokratike nga Mbretëria e Bashkuar, SHBA-ja dhe Kanada. Në total, më shumë se 30 individë dhe subjekte u sanksionuan.

Lexoni gjithashtu:

Fushata e vaksinimit në Evropë, BE kthen sytë nga vaksinat kineze

Etiketimet

Kakavijë, ndihmoi 7 emigrantë të paligjshëm të kalonin kufirin, arrestohet 21-vjeçari nga Bangladeshi

Policia në pikën kufitare në Kakavijës ka vënë në pranga një 21-vjeçar nga Bangladeshi me akuzën e  tentativës për dhënie ndihmë për kalim të...

Vijojnë sulmet ajrore Izrael-Gaza, mbërrin në Tel Aviv i dërguari i SHBA-së

Kur tensionet mes Izraelit dhe Palestinës vijojnë të përshkallëzohen në Tel Aviv ka mbërritur i dërguari i SHBA në përpjekje për të gjetur një...

Juventus në kërkim të një bilete për në Champions League

Bardhezinjtë e Juventusit po kalojnë sezonin e tyre më të vështirë të 10 viteve të fundit, pasi jo vetëm që zbritën nga froni i...

Regjistrohu për të marrë NEWSLETTER