Bitcoin rigjallërohet pasi Elon Musk konfirmon që Tesla mund ta pranojë sërish – me disa kushte

KOMENTE

SHPERNDAJE
ARTIKULLIN

Text sizeAa Aa

Të hënën, Bitcoin kapi kulmin dy-javor duke arritur vlerën rreth $40,000 dollarë (€33,000) pas një fundjave tjetër deklaratash të një pas njëshme të CEO-s së Tesla-s, Elon Musk.

Themeluesi i kompanisë së makinave elektrike, u vetëmbrojt pas kritikave të shumta ndaj tij dhe ndikimit të tij në treg duke shtuar se Tesla mund të pranojë sërish e transaksionet me kripto-monedhën Bitcoin.

Bitcoin ka shkëlqyer në mënyrë intensive për muaj të tërë, qëkur Tesla lajmërojë investimin prej $.1.5 miliard dollarësh në Bitcoin, shkurtin e kaluar si dhe pranimin e pagesave me këtë kriptovalutë.

Më vonë, Musk u shpreh se kompania e tij nuk do të pranonte më Bitcoin pas shqetësimeve për metodën e përdorur për “gërmimin” e kësaj kriptovalute, e cila kërkon harxhimin e një sasie të lartë elektriciteti, gjë e cila më pas kontribuon negativisht në ngrohjen globale dhe ndryshimet klimaterike.

“Në momentin që do të ketë një konfirmim për një përdorim të arsyeshëm (~50%) të energjisë së pastër nga “minatorët” e kësaj kriptovalute, – vetëm atëherë Tesla do të nisë të pranojë sërish pagesa me Bitcoin,” u shpreh Musk këtë të djelë.

Menjëherë pas postimit të këtij mesazhi, Bitcoin pësojë një rritje prej 9%, duke tejkaluar mesataren e tij 20-ditore dhe duke kapur vlerën prej $39,838.92 (€32889,22).

Arsyeja pse Musk humbi besimin dhe pëlqimin ndaj Bitcoin është e lidhur me sasinë e lartë të energjisë elektrike dhe fuqisë kompjuterike që duhet për të proçesuar, përpunuar dhe verifikuar çdo transaksion (blerje dhe shitje) të kryer me Bitcoin në mbarë botën, një proces i njohur si “gërmim”.

Për çdo transaksion të verifikuar, “minatori” paguhet për punën e kryer dhe gjeneron një pagesë të caktuar në Bitcoin. Por, për të vënë të gjithë këtë proces në punë, nevojitet një sasi e lartë energjie elektrike dhe kompjutera të fuqishëm që harxhojnë shumë elektricitet, ndaj në të gjithë botën gjenden nga “minatorët” më të thjeshtë që investojnë në pajisjet e duhura si dhe faturën e lartë elektrike deri në ata më të sofistikuar si kjo minierë masive e njohur si një “fermë për gërmimin e Bitcoin” në Islandën e largët.

Miniera e Bicoin ne Islande

Musk ka kohë që kërkon nga “gërmuesit” e Bitcoin të investojnë në energji më të qëndrueshme që nuk do të kishte pasoja kaq të dëmshme për klimën dhe ambientin.

 

Etiketimet

‘Grusht shteti brenda partisë’, Bejko dhe Bumçi përplasen për përjashtimin e Berishës

Anëtari i kryesisë dhe i Këshillit Kombëtar të PD-së, Aldo Bumçi dhe Roland Bejko debatuan në Euronews Albania sa i takon ndryshimit të statutit...

‘S’mund të jetojmë dot pa artin’, Ermonela Jaho tregon emocionet në Teatrin e Operas dhe Baletit

Sopranoja me famë botërore, Ermonela Jaho në një intervistë për Euronews Albania u shpreh se gjatë performancës së saj në Teatrin e Operas dhe...

Mot me vranësira gjatë javës, në veri s’do mungojnë reshjet e shiut

Gjatë gjithë ditës së sotme do të kemi prezencë të vranësirave në zonat veriore dhe zonat qendrore, ku nuk do të mungojnë edhe shirat...

Regjistrohu për të marrë NEWSLETTER