Vetizolohet Putin pas infektimit me COVID-19 të bashkëpunëtorit të afërt

KOMENTE

SHPERNDAJE
ARTIKULLIN

Text sizeAa Aa

Presidenti rus Vladimir Putin është vetizoluar pasi disa persona nga rrethi i tij i ngushtë u diagnostikuan me COVID-19.

Putin – i cili është vaksinuar me të dy dozat e Sputnik V – ka bërë testin dhe ka dalë negativ, konfirmoi Kremlini të martën.

Gjatë konferencës së përditshme për shtyp, zëdhënësi i Kremlinit Dmitry Peskov tha se Putin është ‘absolutisht i shëndetshëm’, por se kishe pasur kontakte me persona që kishin rezultuar pozitiv ndaj COVID-19.

I pyetur nëse Putin kishte dalë negativ, ai u përgjigj ‘patjetër që po’.

Autoritetet ruse kanë qenë vazhdimisht në qendër të kritikave për nënvlerësimin e pandemisë.

Numri i viktimave në Rusi është në nivelet më të larta të regjistruara që prej fillimit të pandemisë, me rreth 800 vdekje të konfirmuara në ditë. Megjithatë, rastet e reja kanë pësuar rënie gjatë muajit të fundit, nga 20 mijë që ishin më parë në 17 mijë.

Deri më tani, vetëm 32 për qind e popullsisë ka marrë të paktën një dozë të vaksinës, ndërsa 27 për qind janë plotësisht të vaksinuar.

Të hënën, presidenti rus u takua me ekipin e Rusisë tek Lojërat Paralimpike, mori pjesë gjatë disa ushtrimeve ushtarake së bashku me ministrin e Mbrojtjes  Sergey Shoigu dhe gjithashtu u takua me presidentin sirian Bashar Assad.

Peskov tha se Putin vazhdoi agjendën pasi ‘nuk vinte në rrezik shëndetin e të tjerëve’ dhe se personat që takohen me presidentin rus i nënshtrohen ‘një sërë testimesh’ e në disa raste edhe izolohen paraprakisht.

Etiketimet

Agon Maliqi: Me rëndësi që Kurti dhe Rama të gjejnë gjuhën e përbashkët në këto momente

Analisti Agon Maliqi u shpreh se qeveria Kurti ka një mbështetje në opinionin publik pas nismës për të zbatuar reciprocityetin e targave me Serbinë,...

Demush Shasha për reciprocitetin: Kosova për herë të parë po përcakton rrjedhën e dialogut

Drejtori i Institutit Hulumtues për Politika Evropiane, Demush Shasha e cilëson legjitim dhe strategjik vendimin e qeverisë së Kosovës për vendosjen e reciprocitetet për...

Kreshnik Çollaku: Kosova duhet të dalë nga kompleksi ekzistencial

Kreshnik Çollaku, deputet i Partisë Demokratike, shprehet se Kosova përmes reciprocitetit me Serbinë del nga kompleksi “ekzistencial” ku ka hyrë përmes dialogut. Sipas tij, nuk...

Regjistrohu për të marrë NEWSLETTER