Biden: E turpshme dhuna ndaj haitianëve, kush e bëri do paguajë

KOMENTE

SHPERNDAJE
ARTIKULLIN

Text sizeAa Aa

Presidenti amerikan Joe Biden deklaroi të premten se do të ketë pasoja për ata agjentë të policisë kufitare që keqtrajtuan emigrantët haitianë në kufirin jugor të Shteteve të Bashkuara.

Në një deklaratë për mediat, Biden tha se ngjarjet e verifikuara, me agjentët që rrihnin me kamxhik emigrantët, përbënin një turp për mbarë vendin.

Biden shtoi se ai ka përgjegjësinë e tij për situatën në kufirin e Teksasit me Meksikën, ku një fluks prej disa mijëra haitianësh janë strehuar në përpjekje për të hyrë në Shtetet e Bashkuara.

“Sigurisht që mbaj përgjegjësi. Jam presidenti. Ajo që pamë ishte e tmerrshme. Të shohësh njerëzit të trajtohen ashtu, të shtypur nga kuajt dhe të rrahur me kamxhik është mizore dhe fyese. Ju premtoj se këta njerëz do ta paguajnë. Mbi çështjen është hapur një hetim dhe do të ketë pasoja”, u shpreh Joe Biden.

Reagimi i Biden vjen pasi sekretari amerikan për sigurinë e Brendshme, Alejandro Mayorkas nisi një hetim mbi çështjen.

Por pavarësisht zemërimit të shkaktuar nga veprimet e agjentëve të kufirit, mbi Biden po rritet gjithashtu presioni për të forcuar kufijtë.

Ndërkohë, autoritetet në Meksikë po u bëjnë thirrje haitianëve që të heqin dorë nga përpjekjet e tyre dhe të kthehen në kufirin mes Meksikës dhe Guatemalës për të kërkuar azil.

 

LEXONI GJITHASHTU:

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER