OBSH: Ndotja e ajrit është më e rrezikshme nga sa mendohej më parë

KOMENTE

SHPERNDAJE
ARTIKULLIN

Text sizeAa Aa

Organizata Botërore e Shëndetësisë ka paralajmëruar se ndotja e ajrit është edhe më e rrezikshme nga sa mendohej më parë.

Organizata e vendos ndotjen e ajrit në të njëjtin nivel rrezikshmërie me pirjen e duhanit dhe ushqimin e pashëndetshëm.

Të dhënat tregojnë se vendet me të ardhura të ulëta dhe të mesme vuajnë më shumë, për shkak të mbështetjes në karburantet fosile për zhvillimin ekonomik.

OBSH po u kërkon 194 shteteve anëtare që të ulin emetimet ndotëse dhe të ndërmarrin veprime të menjëhershme mbi ndryshimet klimatike.

Problemi qëndron se lloji më i rëndë i ndotjes, grimcat e vogla të cilat mund të thithen në mushkëri, është tepër i vështirë për t’u ndalur.

Ndotja vjen kryesisht nga shkarkimet e automjeteve dhe ngrohja qendrore e gazit, por grimcat e dëmshme lëshohen në ajër edhe në mënyra të tjera. Këto grimca prodhohen nga ngjyrues, lëngje pastrimi apo tretës, si dhe djegia e karburanteve për prodhimin e energjisë, ngrohjen shtëpiake dhe motorët e automjeteve.

Udhëzimet e reja nga OBSH e përgjysmojnë maksimumin e rekomanduar për ekspozimin ndaj grimcave të vogla, të quajtura PM2.5.

“Pothuajse 80% e vdekjeve të lidhura me grimcat PM2.5 mund të shmangen në botë nëse nivelet aktuale të ndotjes së ajrit zvogëlohen në ato që janë propozuar në udhëzimin e përditësuar” – thotë OBSH.

Ndotës të tjerë përfshijnë ozonin, dioksidin e azotit, dioksidin e squfurit dhe monoksidin e karbonit.

Ndotja e ajrit është e lidhur me sëmundjet e zemrës dhe goditjet në tru, ndërsa tek fëmijët, ajo mund të zvogëlojë rritjen e mushkërive.

“Përmirësimi i cilësisë së ajrit mund të ndihmojë përpjekjet për zbutjen e ndryshimeve klimatike, ndërsa zvogëlimi i emetimeve nga ana tjetër do të përmirësojë cilësinë e ajrit”. Ky ka qënë një nga mesazhet që ka dhënë OBSH.

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER