Afganistan: Talebanët nxjerrin udhëzime të reja për rrjetet televizive

KOMENTE

SHPERNDAJE
ARTIKULLIN

Text sizeAa Aa

Udhëheqësit talebanë u kanë kërkuar rrjeteve televizive të ndalojnë transmetimin e programeve që grupi ultra-konservator i konsideron të “pamoralshme”.

Udhëzimet e reja, të bëra publike më 21 nëntor nga Ministria për Promovim të Virtytit dhe Parandalim të Vesit, përbëjnë kufizimet e fundit nën talebanët.

Në çfarë konsistojnë rregullat e reja?

Ministria ka marrë vendim që të ndalojë transmetimin e filmave, komedive apo programeve argëtuese që “fyejnë” individët apo janë kundër kulturës afgane dhe mënyrës si interpretojnë talebanët Ligjin islamik.

Kjo përfshin secilin film apo program që transmeton Profetin Muhamed, apo figura tjera të nderuara, nuk do të mund të transmetohet.

Rregullat janë të vendosura edhe për gratë gazetare, për të cilat thonë se duhet te vishen me hixhab – mbulesën e flokëve, kur të dalin në ekran.

Një rregull tjetër është ndalimi i prezantimit të burrave që nuk janë të veshur sipas standardeve të grupit.

“Këto nuk janë rregulla por janë udhëzues fetarë”, tha zëdhënësi i Ministrisë për AFP.

Një tjetër zëdhënës taleban tha se këto direktiva nuk janë të detyrueshme, por janë më tepër “një udhëzim fetar”.

Raporti i talebanëve me media

Talebanët u rikthyen në pushtet në gusht, njëzet vjet pasi forcat e udhëhequra nga SHBA i dëbuan ata.

Udhehqja e Afganistanit nën talebanët më parë, e ka gjetur vendit me ndalime të televizioneve dhe filmave, si dhe shumicën e formave të tjera të medias.

Një media që lejohej ishte kanali radiofonik Zëri i Sheriatit që transmetonte propagandë islamike.

Gjatë dy dekadave të mëvonshme të lirisë relative të shtypit, u krijuan disa rrjete televizive vendase që shfaqnin një sërë shfaqjesh, duke përfshirë konkurse këngësh në televizion dhe telenovela të importuara nga Turqia dhe India.

Pas rrëzimit të Qeverisë së njohur ndërkombëtarisht në Kabul, në mes të muajit gusht, talibanët kanë thënë se do të kenë qasje më ndryshe, në krahasim me regjimin brutal të periudhës 1996-2001.

Atë kohë, vajzave nuk u është mundësuar shkollimi, puna, sportet dhe aktivitete tjera.

Prej rikthimit në pushtet, talibanët kanë prezantuar rregulla rreth asaj se çfarë të veshin gratë në universitet, ua kanë ndaluar vajzave shkollimin e mesëm dhe kanë vënë ndalesa për gratë që punojnë në sektorin civil.

Qeveria e talibanëve nuk është njohur nga asnjë shtet.

Shtetet e Bashkuara dhe shumë shtete tjera kanë thënë se njohja e saj varet nga respektimi i të drejtave të njeriut, liria e mediave dhe sistemi politik gjithëpërfshirës.

LINI NJE KOMENT

Please enter your comment!
Please enter your name here

Etiketimet

Dështon për herë të gjashtë mbledhja e kryesisë së Kuvendit në Kosovë

Është hera e 6 që kryesia e Kuvendit të Kosovës po dështon të mbajë mbledhjen e saj. E gjithë kjo situatë po krijohet kryesisht për...

Prodhuesit në RMV kundërshtojnë heqjen e qeseve plastike nga përdorimi

Prodhuesit në Maqedoninë e Veriut reagojnë ndaj vendimit të fundit të Qeverisë për heqjen e qeseve plastike nga përdorimi dhe zëvendësimi i tyre me...

Manastirliu: Nga sot personat mbi 18 vjeç mund të marrin dozën përforcuese

Nga sot çdo qytetar i moshës mbi 18 vjeç mund të marrë dozën e tretë të vaksinës, të paktën 6 muaj pasi kanë kryer...

Regjistrohu për të marrë NEWSLETTER