Kriza politike e të djathtës ekstreme në Gjermani: çfarë ndodh pas dorëheqjes së Guvernatorit të Thuringias?

KOMENTE

SHPERNDAJE
ARTIKULLIN

Text sizeAa Aa

Edhe nëse kriza politike do të jetë jetëshkurtër, zgjedhja e një guvernatori me vota të së djathtës ekstreme në Thuringia pritet të ketë një ndikim afatgjatë në ekonominë më të madhe të Europës.

Thomas Kemmerich, i partisë së vogël pro-biznes Demokratët e Lirë (FDP), u zgjodh të mërkurën si guvernatori i shtetit lindor me mbështetjen e partisë së ekstremit të djathtë, Alternativa për Gjermaninë (AfD).

Ai shpalli dorëheqjen vetëm një ditë pasi kancelarja Angela Merkel e quajti aleancën “të pafalshme” dhe kërkoi që rezultati i zgjedhjeve të përmbysej.

Por dorëheqja e tij nuk i jep fund ngërçit politik në Thuringia dhe afera do të vazhdojë të sjellë pasoja afatgjata në politikën gjermane.

Euronews i hedh një sy hapave të radhës për Thuringian dhe Gjermaninë pas ngjarjes që shkundi tabutë politike të vendit.

A janë të pashmangshme zgjedhjet e parakohshme në Thuringia?

Eksperti i politikës gjermane, Rüdiger Wurzel, pedagog në Universitetin e Hullit, tha për Euronews se zgjedhjet e reja Thuringia janë rasti më i mundshëm edhe nëse partia e Merkelit do të ishte duke parë për alternative të tjera.

Kur ajo mblodhi udhëheqjen e CDU-së për të diskutuar për krizën të premten, liderja e partisë, Annegret Kramp-Karrenbauer, u bëri thirrje partive të qendrës së majtë që të prezantonin një kandidat “i cili nuk do të përçante shtetin”.

“Nëse nuk arrijmë të gjejmë një zgjidhje, zgjedhjet e reja janë të pashmangshme”, ka thënë Kramp-Karrenbauer.

Por sipas Wurzel, CDU-ja do të preferonte  të shmangte zgjedhje të reja sepse do të ishin “humbësit më të mëdhenj” të zgjedhjeve të parakohshme.  

Sipas një sondazhi të publikuar gjatë të mërkurës, mbështetja e CDU-së mund të bjerë poshtë në Thuringia.

A do të ndikojë mbi partinë e Merkelit?

Ekspertët thonë se kriza ka sfiduar autoritetin e Annegret Kramp-Karrenbauer, pasardhësja e Merkel në postin drejtues të partisë, ndërkohë “duke dhënë përshtypjen se partia nga Berlini nuk ka ndikim në Thuringia”.

Kemmerich kishte mbështetjen e degës vendore të CDU-së, e cila injoroi rekomandimin nga Berlini për të mos mbështetur aleancën me të djathtës ekstreme.

Partia e Merkelit duhet tashmë të vendosë se kush do të garojë si pasardhësi i saj. “”Kramp-Karrenbauer duhet të dalë e pa lagur nga kjo situatë, nëse synon të bëhet kancelarja e ardhshme”, tha Wurzel për Euronews.

A do të përfitojë AfD-ja nga kjo ngjarje?

“AfD-ja në Thuringia, nën kryesimin e Björn Höckes është bërë shumë djathtë. Është një nga arsyet pse zgjedhja e kryeministrit në Thuringia me ndihmën e AfD-së ka tërhequr kaq shumë vëmendje në Gjermani,” thotë Wurzel.

Eksperti mendon se partia e ekstremit të djathtë do të përfitojë nga kjo situatë, të paktën në Thuringia.

Sipas Pautz, përfolja e partisë jo vetëm që nuk do ta dëmtojë AfD-në, por mund të nxisë më shumë mbështetësit e saj.

U zgjodh me votat e ekstremit të djathtë në Gjermani, jep dorëheqjen

Ditë e zezë për Gjermaninë, Merkel kritikon zgjedhjen e kryeministrit me votat e ekstremistëve


Etiketimet

Ekspozohen në Tiranë pikturat e refugjatit sirian

Përjetimet e momenteve më të vështira të jetës në vendin e tij, artisti sirian Mohammad Ramadan, i ardhur në Shqipëri 5 muaj më parë, i ka rrëfyer në një...

Mbahen zgjedhjet e parakohshme në Portugali

Portugezët kanë nisur votimin e hershëm në zgjedhjet e parakohshme të përgjithshme. Më shumë se 300 mijë persona janë regjistruar për të votuar më herët,...

Blinken thotë se nuk është koha për sanksione ndaj Rusisë

Sekretari amerikan i Shtetit Antony Blinken hodhi poshtë idenë e vendosjes së sanksioneve ekonomike ndaj Rusisë menjëherë. Ai tha se një veprim i tillë do...

Regjistrohu për të marrë NEWSLETTER