A po funksionon strategjia e Suedisë për COVID-19?

KOMENTE

SHPERNDAJE
ARTIKULLIN

Text sizeAa Aa

Edhe pse të gjendur përballë kritikave nga vendet fqinje dhe mbarë Europa, Suedia vazhdon të ndjekë strategjinë e saj kundër përhapjes së COVID-19, por duke shmangur karantinën e popullsisë prej 10.2 milionë banorësh.

Qeveria i ka këshilluar suedezët që të punojnë nga shtëpitë e tyre në rastet kur është e mundur dhe që të shmangin vendet me shumë njerëz si baret apo restorantet dhe kjo përmes thirrjes drejtuar qytetarëve që të “sillen si të rritur” e jo nëpërmjet gjobitjes.

Vendimi i Suedisë për të mos vepruar si vendet e saj fqinje ngjalli polemika të shumta mes vendeve nordike, teksa në mediat e rajonit u përshkrua si “film horror”.

Edhe pse është ende herët për të thënë nëse karantina ka qenë e suksesshme, numri i viktimave në Danimarkë, Norvegji dhe Finlandë ka qëndruar i ulët.

Në Danimarkë janë regjistruar 247 viktima, në Norvegji 113 dhe në Finlandë 48.

Të dhënat e fundit nga Suedia duket se sugjerojnë se numri i viktimave po rritet me shpejtësi. 

Kryeministri i Suedisë Stefan Lofven theksoi se nuk po e mohojnë gjendjen e COVID-19, por se qeveria e tij po ndjek këshillat e autoriteteve shëndetësore.

Organizata Botërore e Shëndetësisë tha për Euronews javën e shkuar se “shtetet vendosin vetë për masat, bazuar mbi gjendjen në të cilën ndodhen dhe fazave të ndryshme që ata po përballen”.

Mardin Baban, drejtoi i përgjithshëm i një organizate joqeveritare në Stokholm, tha për Euronews se krahasimi i qasjes së Suedisë me ato të shteteve të tjera është i padrejtë  teksa shprehu mbështetjen për masat e marra nga qeveria suedeze.

Megjithatë, Baban shprehu shqetësimin e tij për sa i përket veprimeve të qytetarëve.

“Dje, shumica e bareve dhe restoranteve ishin pothuajse plot dhe kjo është befasuese pasi autoritetet kanë qenë shumë të qartë në mesazhin e tyre drejtuar qytetarëve për shmangien e vendeve të populluara”.

Për sa i përket funksionimit të masave, qeveria suedeze ka thënë hapur se situata mund të përkeqësohet.

“Na është thënë se pritet një rritje në mijëra e numrit të viktimave në javët e ardhshme”.

 

Lexoni gjithashtu:

Qasja e veçantë e Suedisë ndaj coronavirusit

Danimarka dhe Suedia, dy vende fqinje por me politika izoluese kilometra larg njëra-tjetrës


Etiketimet

Ekspozohen në Tiranë pikturat e refugjatit sirian

Përjetimet e momenteve më të vështira të jetës në vendin e tij, artisti sirian Mohammad Ramadan, i ardhur në Shqipëri 5 muaj më parë, i ka rrëfyer në një...

Mbahen zgjedhjet e parakohshme në Portugali

Portugezët kanë nisur votimin e hershëm në zgjedhjet e parakohshme të përgjithshme. Më shumë se 300 mijë persona janë regjistruar për të votuar më herët,...

Blinken thotë se nuk është koha për sanksione ndaj Rusisë

Sekretari amerikan i Shtetit Antony Blinken hodhi poshtë idenë e vendosjes së sanksioneve ekonomike ndaj Rusisë menjëherë. Ai tha se një veprim i tillë do...

Regjistrohu për të marrë NEWSLETTER