Samiti i BE në Bruksel, katër çështjet që pritet të diskutohen

KOMENTE

SHPERNDAJE
ARTIKULLIN

Text sizeAa Aa

Udhëheqësit e Bashkimit Evropian do të zhvillojnë një video-konferencë të enjten ku do të diskutojnë përhapjen e vaksinave, situatën epidemiologjike, marrëdhëniet e jashtme dhe strategjinë dixhitale të bllokut.

Marrëdhëniet transatlantike do të jenë gjithashtu në krye të axhendës, por këtë herë me një ndryshim. Presidenti Joe Biden do të bashkohet me takimin përmes një lidhje me video. Krerët e shteteve dhe qeveritë e BE-së shpresojnë që ky të jetë momenti për të rindërtuar aleancën me SHBA, pas ‘trazirave’ me ish-presidentin Donald Trump.

COVID-19

Shpërndarja e vaksinave në Bashkimin Europian ka qenë nën kritika të ashpra për ritmin e saj mjaft të ngadaltë krahasuar me vendet e tjera perëndimore, si Britania e Madhe dhe SHBA, kështu që mënyra se si mund të shpejtohet kjo sigurisht do të jetë një nga pikat kryesore të bisedimeve, veçanërisht pasi disa vende evropiane janë goditur nga një valë e tretë e virusit.

Presidentja e Komisionit, Ursula von der Leyen është vendosur të informojë udhëheqësit mbi përpjekjet e bllokut për të rritur prodhimin dhe furnizimin e vaksinave.

“Ne duhet të sigurojmë dërgesa të vaksinave në kohë dhe të mjaftueshme për qytetarët e BE,” tha von der Leyen.

“BE është krenare që është shtëpia e prodhuesve të vaksinave, të cilët jo vetëm u dërgojnë qytetarëve të BE, por eksportojnë në të gjithë globin”, tha ajo më tej.

Rusia

Në fillim të këtij viti, BE vendosi sanksione kundër zyrtarëve rusë të përfshirë në burgimin e kritikut të Kremlinit, Alexei Navalny dhe kjo shkaktoi probleme në marrëdhëniet midis shteteve.

Udhëheqësit do të diskutojnë se si të ecin përpara në këtë, pasi njoftuan gjithashtu sanksione të reja këtë javë kundër Kinës dhe shkelësve të tjerë të të drejtave të njeriut.

Turqia

Situata në Mesdheun Lindor që përfshin Turqinë do të jetë gjithashtu një çështje kryesore.

Përfaqësuesi i lartë, Josep Borrell dhe Komisioni pritet të paraqesin një raport mbi marrëdhëniet BE-Turqi përpara takimit, i cili do të propozojë një rivendosje në marrëdhëniet me Presidentin Erdogan duke ofruar një rishikim të marrëveshjes së migrimit që mund të përfshijë një injeksion të ri të parave Evropiane.

Transformimi dixhital

Komisioni paraqiti strategjinë e tij dixhitale për dekadën e ardhshme në fillim të marsit, e cila përfshinte propozime për të siguruar që çdo qytetar të ketë qasje në internet, me shpejtësi të lartë në shtëpi ose në lëvizje deri në 2030. Po kështu dhe trajnim të paktën 80 përqind të të rriturit në aftësitë themelore dixhitale deri në fund të dekadës.

Etiketimet

Trembëdhjetë të vdekur nga COVID-19 në Maqedoninë e Veriut

Në Maqedoninë e Veriut në orët e fundit kanë humbur jetën 13 persona si pasojë e infektimit nga epidemia e COVID-19. Ministria e shëndetësisë ka...

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Rritet çmimi i karburanteve, nafta dhe benzina 5 lekë më shtrenjtë në tregun e pakicës

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës. Nëse në fillim të javës...

Regjistrohu për të marrë NEWSLETTER