Anulohet Oktoberfest, gjermanët të dëshpëruar, por mirëkuptues ndaj autoriteteve

KOMENTE

SHPERNDAJE
ARTIKULLIN

Text sizeAa Aa

Eventi i përvitshëm Oktoberfest, festivali më i madh i birrës në botë, nuk do të mbahet për të dytin vit rresht për shkak të pandemisë së coronavirusit.

Lajmin e bëri të ditur ditën e hënë kryeministri i landit gjerman të Bavarisë.

Oktoberfest tërheq çdo vit në Mynih deri në 6 milionë vizitorë, shumica e të cilëve udhëtojnë nga jashtë vendit.

Njerëzit ulen në tryeza të gjata e të përbashkëta për të shijuar birrën, salsiçet dhe ushqime të tjera, si dhe për të dëgjuar bandat muzikore.

Banorët e Mynihut u shprehën të dëshpëruar për kalimin e një tjetër viti pa festivalin e famshëm, por thanë se i kuptojnë masat.

Banakierët dhe kamerierët, që pritet të humbasin financiarisht, thanë se i kanë varur shpresat e tyre tek viti i ardhshëm.

Për kryeministrin bavarez,  Markus Soeder, vendimi ishte i nevojshëm, pasi eventi bartte rreziqe të mëdha për shkak të përmasave të tij dhe situatës aktuale nga coronavirusi.

“Ekziston gjithashtu rreziku që të shohim skena kaotike, pasi në festat klasike të birrës, masa si distancimi social apo mbajtja e maskës nuk mund të imponohen. Prandaj rekomandohet që këtë vit të anulohen festivalet e mëdha”, u shpreh Markus Soeder, kryeministër i landit të Bavarisë.

Gjermania ka vaksinuar mbi 28 për qind të popullsisë së saj. Me vaksinimet që po avancojnë dhe infeksionet që po bien shpresohet që kufizimet e rivendosura në nëntor dhe të përforcuara javën e kaluar të hiqen së shpejti.

Këtë vit Oktoberfest ishte planifikuar të mbahej nga 18 shtatori deri më 1 tetor.

Lexoni gjithashtu:

Oktoberfesti në rrezik

Etiketimet

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Rritet çmimi i karburanteve, nafta dhe benzina 5 lekë më shtrenjtë në tregun e pakicës

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës. Nëse në fillim të javës...

Nuk ndalen sulmet në Gaza, goditen zyrat e mediave Associated Press dhe Al Jazeera

Nuk kanë të ndalur sulmet dhe kundërsulmet mes Izraelit dhe grupit Hamas, ku orë pas ore raportohet për jetë të humbura mes civilëve. Një ndërtesë...

Regjistrohu për të marrë NEWSLETTER