“Pengmarrja” e emigrantëve, gjykata shfajëson ish-ministrin Salvini

KOMENTE

SHPERNDAJE
ARTIKULLIN

Text sizeAa Aa

Kreu i ekstremit të djathtë në Itali, Matteo Salvini nuk duhet të përballet me një proces gjyqësor për akuzën e pengmarrjes së një grupi emigrantësh, duke mos lejuar zbarkimin e tyre. Vendimi është dhënë ditën e premte në një gjyqtar i qytetit sicilian të Katanias.

Çështja lidhet me një incident të verifikuar në korrik të 2019-s, kur Salvini, asokohe ministër i Brendshëm, bllokoi për 6 ditë mbi 100 persona në bordin e anijes “Gregoretti”, teksa priste që shtetet anëtare të BE-së të binin dakord për ndarjen e tyre.

Rasti në fjalë ngjason me një tjetër hetim të kryer nga prokuroria e Palermos, për emigrantët që u mbajtën në një tjetër anije, rreth 1 muaj nga rasti i Katanias.

Por me një vendim ndryshe, gjyqtarët palermitanë vendosën muajin e kaluar që Salvini të përballet me procesin gjyqësor, ku nëse shpallet fajtor mund të dënohet me 15 vjet burg.

“Nëse nuk ka pasur pengmarrje në Katania, përse duhet të ketë pasur në Palermo”, deklaroi Salvini për gazetarët pas vendimit të së premtes.

Gjyqi në kryeqendrën siciliane pritet të nisë më 15 shtator.

Etiketimet

Gjermania mund 4-2 Portugalinë duke vënë seriozisht në diskutim pozitat e tyre në grup

Gjermania fitoi bindshëm 4-2 përballjen e dytë në Euro 2020 kundër Portugalisë të shtunën. Ndeshja e vlefshme për Grupin F nisi me një gol të...

Presidenti i SHBA-së, Joe Biden i hidhëruar për humbjen e qenit të tij

Presidenti i Shteteve të Bashkuara të Amerikës, Joe Biden dhe Zonja e Parë, Jill Biden njoftuan të hidhëruar humbjen e qenit të tyre pastor...

Surprizon Hungaria, ndal kampionët e botës

Hungaria bën surprizën e madhe në fazën e grupeve, duke marrë pikën e parë, ndaj kampionëve të botës, Francës. Gjelat hasën vështirësi ndaj një kundërshtari të...

Regjistrohu për të marrë NEWSLETTER