Bashkëveprimi ushtarak, vendet e NATO-s ndajnë së bashku infrastrukturën luftarake

KOMENTE

SHPERNDAJE
ARTIKULLIN

Text sizeAa Aa

Për t’iu përgjigjur nevojës së NATO-s për një integrim më të mirë të kapaciteteve ushtarake, ushtritë e Belgjikës dhe Luksemburgut kanë nisur të përdorin të njëjtën infrastrukturë.

Dy vendet janë bashkarisht përgjegjëse për blerjen, menaxhimin dhe mbështetjen e flotave të tyre ajrore.

Ekuipazhet ushtarake, si nga Belgjika edhe Luksemburgu, do të mund të fluturojnë në avionët e njëra-tjetrës dhe të bashkëpunojnë me vende të tjera.

“Forcat ajrore evropiane si ato gjermane, franceze, turke, belge, luksemburgeze dhe spanjolle do të përdorin të njëjtin avion dhe duke qenë i tillë, mirëmbajtja është më e lehtë. Gjithashtu, ne mund të shkëmbejmë informacionin dhe ekuipazhet tona”, tha Frederik Vansina, gjeneral madhor.

Shefi i Politikës së Jashtme të BE, Josep Borrell thotë se bashkëveprimi është jetik që NATO dhe Unioni të avancojnë kapacitetet mbrojtëse, sidomos duke pasur parasysh se vende të ndryshme kanë kapacitete të ndryshme. 

“Ndërveprimi është jetik për ne. Kemi 27 ushtri, 27 shtete anëtare me përmasa ushtarake të ndryshme. Vendet e vogla, por edhe ato të mëdha, të vetme nuk kanë kapacitetet e duhura ushtarake për luftën moderne, ndaj na duhet të ndajmë kapacitetet tona dhe t’i përforcojmë së bashku. Për këtë arsye kemi institucione që po punojnë në këtë drejtim. Kemi Agjencinë Evropiane të Mbrojtjes, që u krijua posaçërisht për identifikimin e problemeve”, u shpreh Borrell.

Mjeti i ri i blerë “A400M” është një aeroplan me 4 motorë, i projektuar për të kryer ngritjen dhe uljen e trupave ushtarake. Avioni, i prodhuar nga kompania hapësinore evropiane, “Airbus”, do të zëvendësojë flotat e vjetra.

 

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER