Rritet çmimi i energjisë në Bashkimin Evropian

KOMENTE

SHPERNDAJE
ARTIKULLIN

Text sizeAa Aa

Një hije e errët po përndjek Evropën; rritja e çmimeve të energjisë. Duke u kthyer në vite, është e vështirë të kujtosh një rritje kaq të shpejtë e të lartë të çmimeve. Në disa vende si Italia fqinje faturat pritet të rriten me 40%.

Një ndikim i vërtetë mbi familjet evropiane. Disa zëra  fajësojnë Bashkimin Evropian dhe besojnë se kjo rritje është shkaktuar nga Marrëveshja e Gjelbër dhe qëllimi për t’u bërë kontinenti i parë neutral ndaj klimës deri në vitin 2050.

Por Shoqata Evropiane e Konsumatorëve e sheh fajin tek karburantet fosile.

 “Në fakt është varësia jonë nga karburantet fosile si benzina dhe gazi natyror që i bën faturat e energjisë shumë më të shtrenjta. Shoqata jonë po kërkon një kalim të përshpejtuar në një sistem energjie më të ripërtëritshëm, me më shumë energji elektrike të erës dhe diellit, por kjo kërkon, për shembull, edhe elektrifikimin e transportit”, tha Dimitri Vergne nga Shoqata Evropiane e Konsumatorëve, “Energjia dhe Qëndrueshmëria”

Sidoqoftë, zbatimi i energjisë së rinovueshme do të kërkojë vite. Shumë evropianë po  vuajnë nga varfëria.

Sipas vlerësimeve të Brukselit, rreth 34 milionë qytetarë evropianë nuk mund të përballojnë të ngrohin shtëpitë e tyre.

Komisioni Evropian është duke punuar në krijimin e një Fondi Social për Klimën. Por sipas ekspertëve mund të aplikohen edhe zgjidhje të tjera.

“Kjo është e ashtuquajtura paketë e energjisë së pastër nga viti 2019. Kjo jep këtë lloj sigurimi, ekziston mundësia për të mbrojtur konsumatorët nga çmimet e larta të energjisë për të mbrojtur të ashtuquajturit konsumatorë të cenueshëm dhe ekziston mundësia për t’u ofruar atyre prova speciale. Njëra prej tyre është të mos i largoni ata sepse nuk i paguajnë faturat e tyre, ka disa shtete anëtare që ofrojnë tarifa të veçanta për këta konsumatorë dhe disa që ofrojnë mundësinë për të zëvendësuar një fabrikë më të vjetër që po konsumon shumë energji me një më të re dhe më efikase ”  thekson njw prej ekspertëve.

Siç ndodh shpesh, politika duhet të marrë përgjegjësinë e saj. Sipas analistit Bollino , Brukseli ishte “politikisht i dobët”.

“Duke autorizuar tubacionin e gazit Nordstream 2, një vizion dypalësh gjermano-rus, i cili nuk është pjesë e një vizioni të përbashkët të Evropës dhe nuk respekton territorin ukrainas, ka dobësuar pozicionin e Evropës si një garantues i së mirës së përbashkët në favor të merkantilizmit të disa vendeve të forta si Gjermania. Kjo mund t’i atribuohet Brukselit. BE nuk pati guximin t’i thotë jo Gjermanisë”, tha ai.

Komisioni Evropian po monitoron ndryshimin e çmimeve të energjisë elektrike “nga afër” dhe sheh zgjidhje afatgjata investimet në kursimin e energjisë dhe burimet e rinovueshme.

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER