Autoritetet italiane arrestojnë ish-liderin katalanas Carles Puigdemont

KOMENTE

SHPERNDAJE
ARTIKULLIN

Text sizeAa Aa

Autoritetet italiane kanë arrestuar eurodeputetin Carles Puigdemont, ish-lider i referendumit katalan të vitit 2017.

Puigdemont u arrestua në aeroportin e Algheros në Sardinia ku kishte udhëtuar për të ndjekur një festival folklorik katalanas.

Madridi zyrtar e ka konsideruar të jashtligjshëm referendumin e vitit 2017 të Barcelonës dhe e ka akuzuar Puigdemontin për separatizëm dhe shpërdorim detyre.

“Ajo që Carles Puigdemont duhet të bëjë, është që të paraqitet përpara drejtësisë spanjolle,” – tha kryeministri i Spanjës, Pedro Sanchez gjatë një vizite në ishullin La Palma, ku shpërthimi i një vullkani ka nxitur gjendje të jashtëzakonshme.

Ish-lideri katalanas, i cili u largua nga vendi pas referendumit, pritet të dalë para gjykatës këtë javë ku do të vendoset nëse do ekstradohet në Spanjë apo do të lirohet.

Puigdemont u arrestua edhe më parë, në vitin 2019 pasi Spanja ka lëshuar një urdhër-arresti, mirëpo u lirua pasi ai kishte imunitet si deputet i PE-së. Në muajin mars PE votoi “pro” heqjes së imunitetit.

Gjithsej janë 9 lider të lëvizjes “pro” pavarësisë së Barcelonës, të cilët janë akuzuar ose dënuar me burg për rolin që patën në referendumin e vitit 2017. Disa prej tyre janë falur nga Kryeministri i Spanjës, Pedro Sanchez.

Lideri aktual i Barcelonës, Pere Aragones, i cili është deklaruar disa herë në krah të Puigdemont, theksoi në një reagim se “shtypja dhe përndjekja politike duhet të marrë fund”.

LEXONI GJITHASHTU:

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER