Kthimi i Vjosës në park kombëtar, thirrja e Leonardo Di Caprio: Lumenjtë të shpëtohen nga ndërtimi i hidrocentraleve

KOMENTE

SHPERNDAJE
ARTIKULLIN

Text sizeAa Aa

Aktori i mirënjohur Leonardo Di Caprio përmes një postimi në llogarinë e tij në Instagram ka reaguar për të disatën herë në kuadër të mbrojtjes së lumenjve të egër nga ndërtimi i hidrocentraleve të vogla.

Ai e ka sjellë në vëmendje lajmin e mirë që vjen nga Shqipëria sa i përket refuzimit të projektit të digës së Kalivaçit dhe kthimin e zonës në park kombëtar.

Në shkrimin e tij Di Caprio i bën thirrje kryeministrit të Bosnje Hercegovinës për të mbrojtur lumenjtë nga hidrocentralet.

“Teksa ne presim që kryeministri dhe qeveria e tij në Bosnje Hercegovinë të ndërmarrin hapa ligjorë për të mbrojtur lumenjtë e “zemrës blu” të vendit nga shkatërrimi i mëtejshëm prej hidrocentraleve të vogla, ka të reja premtuese që vijnë nga Shqipëria. Vjosa, një nga lumenjtë e fundit të egër të Europës mund të shpëtohet nga ndërtimi i hidrocentraleve,” – u shpreh aktori.

“Në 25 shtator, kryeministri i Shqipërisë, Edi Rama njoftoi se projekti i digës së Kalivaçit ishte refuzuar dhe se zona do të bëhej një park kombëtar. Parku kombëtar i Lumit të Egër Vjosa, do të bëhej vendi më i madh në Europë për ruajtjen e lumenjve që mbulon disa qindra kilometra lumenj dhe përrenj dhe mbron qindra mijëra specie si ngjala europiane e rrezikuar globalisht dhe insektin Vjosa të zbuluar së fundmi,” – u shpreh ai.

“Kjo do të ishte një arritje e madhe për Shqipërinë dhe pjesën tjetër të Europës, ndërkohë që parku mund të bëhej model për strategjinë e biodiversitetit brenda kornizës së Marrëveshjes së Gjelbër.

Në pritje të më shumë lajmeve të mira në lidhje me veprimet konkrete për mbrojtjen e përhershme dhe të plotë të lumenjve në Bosnje Hercegovinë, Shqipëri dhe pjesën tjetër të rajonit të ‘zemrës blu’ të Ballkanit,” – përfundoi shkrimin e tij Leonardo Di Caprio.

 

 

Lexoni gjithashtu: 

Vjosa në fotografi, bukuria dhe degradimi i lumit tërheqin vëmendjen e fotografit

Dita Botërore e Lumenjve, OJF-të i shkruajnë Ramës: Ndal HEC-eve për të shpëtuar Vjosën

 

Etiketimet

Arrestohet infermierja e spitalit psikiatrik, iu vidhte kartat e identitetit pacientëve për të marrë kredi

Policia e Tiranës ka arrestuar një infermiere e cila vidhte kartat e identitetit të pacientëve që shkonin për mjekim dhe më pas i përdorte...

Presidentja e KE në Tiranë: Shqipëria ka bërë progres, është koha që BE të bëjë të njëjtën gjë

Presidentja e Komisionit Evropian, Ursula von der Leyen ka nisur nga Tirana vizitën në vendet e rajonit. Presidentja e Komisionit Europian u prit me ceremoni...

Çështja ‘Tahiri’ shqyrtohet sot në Gjykatën e Lartë

Gjykata e Lartë shqyrton sot çështjen ndaj ish-ministrit të Brendshëm, Saimir Tahiri. Ky i fundit është paraqitur mëngjesin e sotëm në ambientet e kësaj gjykate. Saimir...

Regjistrohu për të marrë NEWSLETTER