Britanikët vlerësojnë Tiranën si qytetin më pak të kushtueshëm

KOMENTE

SHPERNDAJE
ARTIKULLIN

Text sizeAa Aa

Tirana rezulton se është qyteti Evropian më i lirë për të kaluar një pushim të shkurtër. Këtë e thotë Barometri 2021 i Postës Britanike që ka renditur koston për qytetet më të lira dhe më të shtrenjta në Evropë.

Sektori për udhëtimet dhe paratë në Postën Britanike ka analizuar çmimet për 40 qytete të ndryshme në Evropë për Barometrin e saj vjetor mbi koston e qyteteve.

Në kërkim thuhet se në Tiranë një filxhan kafe kushton vetëm 0.61 paund dhe akomodimi për një fundjavë në një hotel me tre yje kushton 61 paund.

Si qytet i dytë më pak i kushtueshëm renditet Katovica në Poloni, ndjekur nga Vilnus në Lituani, Lisbona në Portugali dhe Riga në Letoni.

Në listën e çmimeve për Tiranën thuhet se një shishe birrë nga prodhuesit lokalë në bare kushton rreth 1.85 paund. Po aq vlerësohet dhe çmimi për një gotë verë. Një fakt dreke për dy persona bashkë me verë thuhet se kushton 38 paund.

Në koston totale ku janë përfshirë tur në qytet si dhe vizita në vendet më tërheqëse si muze dhe galeri, zyra e Postës Britanike vlerëson se për dy persona nevojiten 71.41 paund. Këtu nuk është përfshirë akomodimi për dy net në një hotel me tre yje që në Tiranë thuhet se kushton 61 paund.

Në total për të kaluar një fundjavë në Tiranë një çifti sipas Postës Britanike do t’i duhen 132.41 paund. Ndërsa për qytetin e dytë më të lirë, Katovicën do të duheshin 164.13 paund.

Sa u takon qyteteve më të shtrenjta për të kaluar dy ditë pushime vlerësohen Oslo e Norvegjisë, Stokholmi i Suedisë dhe Belfasti i Irlandës së Veriut.

Etiketimet

Plazh në fund të tetorit, turistë të huaj shijojnë detin dhe diellin e ngrohtë të Vlorës

Përmirësimi i kushteve të motit ka sjellë në Vlorë turistët e tetorit. Ata janë ukrainas, rus apo holandezë, por nuk mungojnë as shqiptarët nga...

Ceno Klosi emërohet Drejtor i Përgjithshëm i Tatimeve

Ceno Klosi është emëruar Drejtor i Përgjithshëm i Tatimeve. Me vendim të Këshillit të Ministrave, Klosit i është besuar drejtimi i institucionit të Tatimeve. "Ceno...

Aksidentet në shesh xhirime ndër vite

Aktori i Hollivudit, Alec Baldwin, qëlloi për vdekje një kineast dhe plagosi një regjisor në sheshin e xhirimeve të filmit ‘Rust’. Por, nuk është...

Regjistrohu për të marrë NEWSLETTER