Maqedoni e Veriut

Katër viktima dhe 140 raste me Covid-19 në Maqedoninë e Veriut

Përditësimi i fundit: 12/09/2020 - 18:29
Text size Aa Aa

Në Maqedoninë e Veriut kanë humbur jetën katër persona në 24 orët e fundit, ndërsa janë evidentuar 140 raste të reja me Covid-19.

Sipas Ministrisë së Shëndetësisë, personat që humbën jetën janë një 64 vjeçar nga Shkupi, një 73-vjeçar nga Tetova, një 63-vjeçar nga Gostivari dhe një 71-vjeçar nga Prilepi.

Rastet e reja ditore më shumë u regjistruan në Shkup ,Tetovë, Strumicë, Kumanovë dhe në Gostivar. Listës së të shëruarave i janë shtuar 134 persona në 24 orët e fundit, duke rritur më tej shpresën për menaxhimin e pandemisë së Covid-19.

Nga fillimi i pandemisë dhe deri sot janë kryer 164 639 testime, prej të cilave 15 694 raste kanë rezultuar pozitivë. Në shtetin fqinj 646 qytetarë kanë humbur jetën, 13 128 janë shëruar ndërkohë numri i rasteve aktive është 1 920.

Autoritetet shtetërore kanë kryer 164.639 testimet të dyshuara për Covid-19, ndërsa 15694 janë konfirmuar të prekur.