Bujqësia pa paga lufte, Çuçi: Absurde që qeveria të paguajë ata që nuk u mbyllën

KOMENTE

SHPERNDAJE
ARTIKULLIN

Text sizeAa Aa

Sektori i bujqësisë nuk u përfshi në paketën e qeverisë për ndihmë financiare për shkak të pandemisë së COVID-19 dhe ministri Bledi Çuçi e justifikoi me faktin se “sektori ka pasur vetëm rritje në këtë periudhë”.

Duke folur për Ilva Now në Euronews Albania, Çuçi tha se ishte absurde që qeveria t’i dërgojë paratë e shqiptarëve për “pagë lufte për ata që nuk u mbyllën”.

Gazetarja Ilva Tare e ballafaqoi Çuçin me ankesat e shprehura nga fermerët ndaj kryetarit të Partisë Demokratike Lulzim Basha në takimet e tij të fundit.

Ministri hodhi poshtë pretendimet për favorizime apo klientelizëm ndërsa këmbënguli se paratë e qeverisë jepen “100 për qind si masë direkte për fermerët dhe blegtorinë” ndërsa paratë e BE-së, jepen për investime prej programit të IPARD-it.

Çuçi theksoi se fermerët e kanë informacionin për të aplikuar për fonde dhe mbështetje. Përballë këmbënguljes me ironi të gazetares Tare se “fermerëve u duhet të rrinë në internet për të parë faqet e Facebook-ut në një kohë kur atyre u nevojitet dikush në terren”, ministri tha se ka Agropika.

“Kemi Agropika në gjithë Shqipërinë dhe shërbim për fermerët që mbetet vetëm për këtë punë, për informimin e fermerëve,” – tha Çuçi duke këmbëngulur se viti 2020 është një nga vitet më të mira të bujqësisë shqiptare.

Për sa i përket çështjes së cilësisë dhe pretendimeve për abuzime me produktet bujqësore në treg, Çuçi i hodhi poshtë ato duke këmbëngulur se nuk “ka prirje, apo fenomen” por vetëm “raste”.

“Morëm 300 raste nga serat, në pikat e grumbullimit dhe në tregje, nga këto vetëm 2 mostra dolën me ngarkesë më të lartë,” – tha Çuçi duke shpjeguar rezultatet e një kontrolli në Berat, Fier dhe Lushnje.

Për sa i përket sektorit të blegtorisë, Çuçi tha se ka një problematikë të trashëguar dhe situata është ndryshe nga prodhimet bujqësore.

Ai u shpreh se qeveria ka miratuar së fundmi ristrukturimin e shërbimit veterinar dhe organizimin në një strukturë vertikale nga ministria deri te veterinerët në njësitë administrative, kjo me synimin për të rregulluar shërbimin dhe për të garantuar sigurinë.

I pyetur rreth tregut të mishit, dhe sigurisë në tregtimit të tij, ministri tha se dyqanet e miratuara nga Autoriteti Kombëtar i Ushqimit japin 100 për qind garanci për standardin e kërkuar.

“Unë mbaj 100 për qind përgjegjësi dhe jap dorëheqje nesër nëse një produkt i AKU-së apo Ministrisë për gjëra të tjera, del se nuk është me standardet e lejuara,” – siguroi Çuçi teksa shtoi se problemi në treg është me ata që i shmangen autoriteteve.

Në analizën e tij ministri lavdëroi cilësinë dhe standardet e supermarkatave në Shqipëri ndërsa apeloi qytetarët që të tregohen të kujdesshëm me dyqanet dhe produktet që zgjedhin.

 

Lexoni gjithashtu:

Bujqësia nën pandemi, Çuçi: Nuk pati ndalesa, eksportet u rritën me 10 për qind



Etiketimet

‘Të mos gjykohet Salvini’, prokurori: Ai nuk ndaloi në mënyrë të paligjshme emigrantët në 2019

Matteo Salvini nuk duhet të shkojë në gjyq për ndalim të paligjshëm të emigrantëve. Kështu u shpreh prokurori i Katanias, Andrea Bonomi. Sipas tij, vendimi...

“Do të jem këtu deri më 26 prill”, Meta nga Vlora: Nuk preket asnjë votë e vlonjatëve

Nga Vlora, presidenti Ilir Meta bëri sërish një apel të fortë për ditën e zgjedhjeve, ndërsa deklaroi se nuk do të preket asnjë votë...

‘Defender 21’| Ushtarët e Gardës së New Jersey mbërrijnë në Tiranë për të trajnuar FA

Ambasadorja amerikane Yuri Kim mirëpriti sot ushtarët amerikanë nga Garda Kombëtare e New Jersey të cilët mbërritën sot në Tiranë. Ambasada amerikane përmes një postimi...









Regjistrohu për të marrë NEWSLETTER