Destinacion në Kepin e Rodonit, vendi ku ndërthuret deti me vlerat historike

KOMENTE

SHPERNDAJE
ARTIKULLIN

Text sizeAa Aa

Ky është një rrip toke i futur thellë në det, e është më i madhi i këtij lloji në bregdetin shqiptar. Me një bukuri tërheqëse, Kepi i Rodonit ofron plazhe me rërë të bardhë dhe vende historike që kombinohen perfekt, ndaj sot do ju prezantojmë këtë Destinacion nga Rezarta Delisula, në Euronews Albania.

Peizazhet rrugës janë fantastike ndërsa hasim fshatin më të madh në kepin e Rodonit, Shetajn. Me një popullsi prej afro 450 banorë, mund ta quajmë këtë vend, fshatin e peshkatarëve, ndërsa për fat në këtë gji, takojmë Pëllumb Dodën i cili na tregon për zanatin që ushqen qindra shtëpi.

“Unë punoj ka 20 vjet si peshkatar dhe për të peshkuar dalë me varkën time. Te Kepi i Rodonit janë të gjitha llojet e peshqve duke filluar nga koce, levrek, merluc etj. Gjithë zona punon në peshkim. Ne vijmë këtu në orën gjashtë të mëngjesit dhe rreth orën dhjetë dalim në breg. Peshkun vijnë e marrin nga zona dhe nga Durrësi,”, thotë një peshkatar.

Sapo lëmë pas gjirin, që pret varkat e peshkatarëve, përreth 500 metra vijojmë rrugën për në zonën e mbrojtur të kepit të Rodonit, hyrja në të cilin kushton 50 lekë për person dhe 100 për makina. 

Natyra është e bukur në këtë vend, ku njeriu nuk ka pasur shumë dorë për ta tjetërsuar, por zgara është e ndaluar në këtë hapësirë, që gjithsesi mund të përdoret shumë mirë për piknik.

Në të djathtë tonën shfaqet kisha e Shën Ndout e cila është ndër ato kulte fetare që nuk u shkatërruan në reprezaljen e vitit 1967. Ajo ngrihet në një qafë të ulët mes dy kodrave, pranë bregut të detit ndërtuar në vitin 1599.

“Kjo kishë i përket një stili shumë të veçantë se i përket një stili romanik si gjithë kishat në Shqipëri, por me disa harqe që lidhen me stilin gotik. Janë shumë të paketa kishat që kanë këtë ndërthurje sidomos kishat katolike që mbijetojnë pas rrëgjimit komunist dhe njëra nga këto kisha është Kisha e Kepit të Rodonit”, shprehet arkeologu Gjergj Vinjahu.

Lëmë kishën për të vizituar kalanë e Skënderbeut që është pozicionuar aq bukur në anë të djathtë të kepit të Rodonit që dikur ishte pronë e familjes së njohur të Karl Topisë. Një pllakë përkujtimore e arbëreshëve të Italisë për 550 vjetorin e vdekjes së Skënderbeut është shenja e parë drejt kalasë..

Rrugën e kthimit jua sugjerojmë ta bëni nga fshati Ishëm, ku ende mbahet në këmbë një kala, pak e njohur por shumë interesante. Në hyrje të kalasë së Ishmit ndodhet vendi ku prehet i madhi piktor shqiptar, Ibrahim Kodra i cili në vitin 1938 emigroi në Milano të Italisë.

Pikërisht me imazhin e kalasë së Ishmit që kishte karakter ushtarak, që siguronte qetësinë në zonë dhe monitoronte flotat veneciane që mund të zbarkonin poshtë saj, largohemi nga ky vend plot me histori, destinacion që nuk duhet humbur.

Etiketimet

Frika nga varianti Delta, ekspertët e BE kërkojnë ritme më të shpejta vaksinimi

Varianti Delta i COVID-19, shfaqur fillimisht në Indi vazhdon të përhapet. Agjencia shëndetësore e Bashkimit Europian shprehet se varianti shumë i transmetueshëm Delta i COVID...

Një aktivist vrapoi me flamurin e LGBTI në fushën e Mynihut gjatë ndeshjes me Hungarinë

Një aktivist zgjodhi momentin kur ekipi i Hungarisë po këndonte himnin para ndeshjes me Gjermaninë, në Kampionatin Europian për të vrapuar në fushë me...

Macron pret Kurtin, presidenti francez: Të arrihet akordi me Serbinë, do keni mbështetjen tonë

Presidenti i Francës, Emmanuel Macron i ka përcjellë kryeministrit të Kosovës, Albin Kurtit mesazhin se Prishtina dhe Beogradi duhet të gjejnë kompromisin për një...

Regjistrohu për të marrë NEWSLETTER