Kush merr më shumë vota nga të pavendosurit, PD apo PS, debat mes Neritan Sejaminit dhe Arbjan Maznikut

KOMENTE

SHPERNDAJE
ARTIKULLIN

Text sizeAa Aa

Fakti se rreth 17% e të pyeturve në sondazhin e MRB-së rezultoi e papërcaktuar në prirjen e votës për Tiranën nxiti diskutime në emisionin Barometri Politik.

Nënkryetari i Bashkisë Tiranë, Arbjan Mazniku ishte i bindur se në përgjithësi ditën e votimit të pavendosurit kthehen pro qeverisë. Qëndrim që nxiti debat me drejtuesin e emisionit “Me pak Fjalë” Neritan Sejamini.

Duke marrë si pikënisje argumentin se “shumë qytetarë janë të lodhur nga qeverisja” Mazniku tha se “në rastin më të mirë ata kanë qenë votues të qeverisë” dhe “fushata zgjedhore me një program nga qeveria mundet që t’i kthejë ata sërish në votues”.

Argumenti tjetër i Maznikut ishte se një qytetar “pro” opozitës nuk ka prirje ta fshehë bindjen e tij dhe qëndrimet mund t’i ketë shfaqur prej kohësh. Me këtë ai këmbënguli se “shumica e pjesës së të pavendosurve janë më tepër në prirje të votojnë qeverinë”.

Mirëpo Sejamini kundërshtoi duke kujtuar si prirje të përgjithshme të shfaqur gjerësisht edhe në vende të tjera, të ashtuquajturën “swing vote” apo “votë e lëkundur”.

Sejamini ishte mosbesues nëse PS do të mund të fitojë më shumë vota nga grupimi i të papërcaktuarve. Ai tha se në përgjithësi ata nuk e pëlqejnë qeverisjen, pasi në të kundërtën do të shpreheshin. Sipas tij prirja e përgjithshme është të shkojnë “pro” opozitës.

Duke analizuar sjelljen e elektoratit në zgjedhjet e shkuara, MRB analizoi duke nxjerrë si projeksion të përgjithshëm PS-në fituese (49.6%) në Tiranë me diferencë 9.7% nga PD (39.9%). Analiza e MRB-së i jepte më shumë të drejtë Sejaminit, ku në përgjithësi më shumë vota i shkonin opozitës.

Etiketimet

Frika nga varianti Delta, ekspertët e BE kërkojnë ritme më të shpejta vaksinimi

Varianti Delta i COVID-19, shfaqur fillimisht në Indi vazhdon të përhapet. Agjencia shëndetësore e Bashkimit Europian shprehet se varianti shumë i transmetueshëm Delta i COVID-19,...

Një aktivist vrapoi me flamurin e LGBTI në fushën e Mynihut gjatë ndeshjes me Hungarinë

Një aktivist zgjodhi momentin kur ekipi i Hungarisë po këndonte himnin para ndeshjes me Gjermaninë, në Kampionatin Europian për të vrapuar në fushë me...

Macron pret Kurtin, presidenti francez: Të arrihet akordi me Serbinë, do keni mbështetjen tonë

Presidenti i Francës, Emmanuel Macron i ka përcjellë kryeministrit të Kosovës, Albin Kurtit mesazhin se Prishtina dhe Beogradi duhet të gjejnë kompromisin për një...

Regjistrohu për të marrë NEWSLETTER