Zgjedhjet në Gjermani, analistët diskutojnë për politikat e Berlinit pas Merkel

KOMENTE

SHPERNDAJE
ARTIKULLIN

Text sizeAa Aa

Gjermania do të mbajë më 26 shtator zgjedhjet parlamentare dhe sondazhet tregojnë se kancelari i ardhshëm pas Angela Merkel mund të jetë Olaf Scholz i SPD ose Armin Laschet i CDU/CSU.

Gazetari i Dejçe Vele, Bahri Cani thotë se sondazhet i japi një epërsi të vogël Scholz (25-27%) përballë Laschet (20-22%) dhe me shumë gjasa në  Gjermani mund të ketë një rrotacion.

Ai thekson se klima dhe ekonomia janë çështjet që do të përcaktojnë fituesin e zgjedhjeve në Gjermani. Cani tha se Gjermania ka nevojë për një partner të fuqishëm në BE dhe ajo është Franca pasi këtë e obligon edhe historia.

“Kjo situatë është e pa hasur në të kaluarën. Pasi të tre partitë në një moment kanë kryesuar sondazhet, fillimisht Ekologjikët, më pas CDU e Merkel dhe tani SPD”, tha gazetari.

Arian Starova, ish-ministër i Jashtëm i Shqipërisë thotë se me siguri në Gjermani do të ketë rrotacion dhe kjo tregon se ka një mirëkuptim duke iu referuar tërheqjes së Angela Merkel.

Si vendi udhëheqës i Evropës, Starova thotë se Gjermanisë i duhet të bashkëpunojë më ngushtë me Francën për të zhvilluar BE-në.

Për Ballkanin, ai tha se vizita e Merkel dha mesazhin se edhe ajo vetë është e pakënaqur me ritmin e integrimit në Bashkimin Evropian.

Muhamed Halili, kryetar i Këshillit të Ambasadorëve thotë se pavarësisht se mund të ketë rrotacion në Gjermani nuk do të ketë ndryshim qenësor të politikave të saj.

Ai theksoi se me largimin e Merkel nga skena politike do të kemi një zbrazëti të liderëve të mëdhenj në Evropë.

Arben Hajrullahu, profesor i Shkencave Politike thotë se sistemi politik gjerman është i qëndrueshëm dhe qasja e saj ndaj Ballkanit Perëndimor do të jetë e njëjtë.

“Ka tregues të fortë që Procesi i Berlinit është politikë zyrtare e Gjermanisë dhe jo një politikë personale e Merkel”, tha Hajrullahu.

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER