15-vjeçarja Nansi Haxhiu, kampionia e sportit në zhdukje në Shqipëri

KOMENTE

SHPERNDAJE
ARTIKULLIN

Text sizeAa Aa

Kur mësuesja e fizkulturës i sugjeroi Nansi Haxhiut të merrej me sport, vajza atëherë 10-vjeç e pa këtë si një ‘gjuajtje të largët’. Pesë vite më vonë ajo është kampionia e vetme e sportit të hedhjes së çekiçit në Shqipëri.

Nxënësja 15-vjeçare e cila studion në shkollën “Ismail Qemali” në Tiranë shprehet e lumtur për arritjet e deritanishme në karrierën e saj sportive, ndërsa thotë se do të kishte qenë e pamundur pa mbështetjen e familjes dhe shoqërisë.

Megjithatë, autoritetet nuk po e luajnë pjesën e tyre në këtë traditë në zhdukje në Shqipëri. Mungesa e kushteve dhe e mbështetjes financiare i ka larguar sportistët e rinj nga kjo disiplinë.

“Ne nuk kemi vende zhveshje, nuk kemi vende për t’u larë, nuk ka as mbështetje financiare, nuk ka dhe vegla. Gjithçka e kam paguar vetë. E vetmja gjë që na shtyn ne është pasioni,” tregon Haxhiu për GenZ në Euronews Albania.

GenZ është një produkt i projektit “Youth of Tirana” mbështetur nga Bashkia Tiranë.

Këto sfida nuk janë të reja as për sportistët e tjerë me më shumë përvojë dhe medalje.

Klodiana Shala, një kampione atletike e sheh si vrap me pengesa ushtrimin e sportit në Shqipëri.

“Unë vetë kam pasur një sakrificë në sport për shkak të kushteve që kanë qenë shumë të vështira, shpresoj që kushtet të rregullohen gradualisht dhe kështu do e bëjmë sportin me zemër,” tha atletja Shala.

Kampione jo vetëm në sport, por edhe në ruajtjen e optimizmit dhe fokusit, Haxhiu dhe Shala shohin sidoqoftë një të ardhme plot shpresë për ata që nuk i dorëzohen ushtrimit të pasionit të tyre.

“Shpresoj që rezultatet e mia të jenë të larta dhe në një pikë pse jo të përfaqësoj Shqipërinë në gara ndërkombëtare,” shprehet 15-vjeçarja Nansi Haxhiu.




Etiketimet

Kryeministri i Kosovës viziton familjet që humbën të dashurit në aksidentin e Kroacisë

Kryeministri i Kosovës, Albin Kurti, vizitoi për ngushëllime dy familje në Deçan dhe Junik që humbën të afërmit e tyre në aksidentin tragjik të...

5 vatra zjarri në të gjithë vendin, më kritiket në Karaburun dhe Kurbin

Agjencia Kombëtare e Mbrojtjes Civile (AKMC) thotë se janë duke u përballur me flakët në 5 vatra zjarri, ku më kritiket ngelen ato të...

U kualifikua në finalen e Lojërave Olimpike, Luiza Gega: Doja të kisha një kujtim të bukur

Atletja shqiptare, Luiza Gega arriti që të kualifikohej në finalen e atletikës për 3000 metrave me pengesa në Lojërat Olimpike që po zhvillon në...

















Regjistrohu për të marrë NEWSLETTER