Kultura dhe dialogu politik në Shqipëri, sipas optikës së Linda Ramës

KOMENTE

SHPERNDAJE
ARTIKULLIN

Text sizeAa Aa

Aktivistja Linda Rama në një rrëfim ekskluziv për “Ilva Now” në Euronews Albania analizoi etapat në të cilat ka kaluar dialogu politik në Shqipëri, që nga periudha e regjimit monist.

Ajo theksoi se në këtë periudhë nuk kishte kulturë debati, por gjithçka ishte e imponuar.

“Komunizmi nuk të përgatiste për dialog, komunizmi të impononte. Kishe dy pozicione atëherë; ose ti je me partinë dhe shtetin, ose ti je armik. Nuk kishte midis as oponencë, as kritikë, as mendim ndryshe, as kundërshtim dhe kjo është trashëgimia që ne kemi”, tha Linda Rama.

Për epokën e sotme, bashkëshortja e kryeministrit tha se kultura komunikuese kushtëzohet ndjeshëm nga rrjetet sociale, pasi informacioni i shpërndarë në këto platforma është shumë i shpejtë, pa i dhënë dikujt mundësinë për të dyshuar apo për të menduar, gjë që e bën dialogun më pak cilësor.

“Tani, përtej kësaj trashëgimie, sot ke rrjetet sociale ku secili ka nga një opinion dhe shpejtësia me të cilën reagohet dhe jepet opinioni është shumë e lartë dhe ti nuk ke kohë që të fillosh e të mendosh e të dyshosh, të filtrosh dhe kjo është sfida tani, se si do të mundemi ne që përtej trashëgimisë në kemi mundësi që të ndihmojmë që kjo barriera e të ardhmes që lidhet me teknologjinë e informacionit dhe me rrjetet sociale të mos jetë kaq dominante në kontributin qe bën për dialog jo aq cilësor dhe konstruktiv sa duhet të jetë”, u shpreh Linda Rama.

Mes tjerash, znj. Rama përcolli një këshillë të drejtpërdrejtë për politikën dhe median në Shqipëri. Sipas saj, këto dy aktorë duhet të dinë të lexojnë me saktësi çdo mesazh, i cili prodhohet nga opinionin publik.

Për aktivisten Linda Rama, opinioni publik shqiptar shpreh synimin dhe vullnetin e qartë për t’u bërë pjesë e Bashkimit Evropian dhe sipas saj, të gjithë aktorët socialë dhe politikë duhet të punojnë ngushtësisht njëri me tjetrin për të arritur këtë objektiv.

“Ka një dakordësi 100% pothuajse, që shqiptarët, e cila nuk lëviz në kohë përtej gjithë traumave dhe politikave, situatave të vështira nuk çedon në kohë, që është aspirate për të qenë në BE dhe për të pasur një Shqipëri evropiane këtu brenda nesh. Nuk e kuptoj si ka mundësi që klasa politike shqiptare nuk arrin të dakordësojë agjendën kombëtare në raport me këtë vullnet”, tha znj. Rama.

 

LEXONI GJITHASHTU:

Etiketimet

Presidentja e KE në Tiranë, takime me presidentin dhe kryeministrin

Presidentja e Komisionit Evropian, Ursula von der Leyen ka nisur nga Tirana vizitën në vendet e rajonit. Presidentja e Komisionit Europian u prit me ceremoni...

Çështja ‘Tahiri’ shqyrtohet sot në Gjykatën e Lartë

Gjykata e Lartë shqyrton sot çështjen ndaj ish-ministrit të Brendshëm, Saimir Tahiri. Ky i fundit është paraqitur mëngjesin e sotëm në ambientet e kësaj gjykate. Saimir...

Këngëtari amerikan shpallet fajtor për abuzim seksual

Këngëtari amerikan R Kelly i njohur për hitin “I believe I can fly” është shpallur fajtor nga një gjykatë për abuzim seksual të grave...

Regjistrohu për të marrë NEWSLETTER