Rusia kundërpërgjigjet, shpallet non-grata një diplomat maqedonas

KOMENTE

SHPERNDAJE
ARTIKULLIN

Text sizeAa Aa

Rusia ka shpallur non-grata një punonjës të Ambasadës së Maqedonisë së Veriut në Moskë. Këtë lajm e njofton Ministria e Jashtme e Rusisë.

“Olivera Çausheva-Dimovska, ushtruese detyre e ambasadores së Republikës së Maqedonisë së Veriut në Federatën Ruse u thirr në Ministrinë Ruse të Punëve të Jashtme më 10 qershor, ku asaj iu dha një shënim që deklaron për non-grata një punonjës së Ambasadës së Maqedonisë së Veriut në Moskë” – thuhet në deklaratën zyrtare të Ministrisë së Jashtme të Rusisë

Ndërkohë, Ministri i Punëve të Jashtme të Maqedonisë së Veriut, Bujar Osmani, ka reaguar duke thënë se “Shpreh keqardhje për vendimin e paarsyeshëm të Ministrisë së Punëve të Jashtme të Rusisë, është vetëm hakmarrje politike. Kjo padyshim do të ndikojë negativisht në marrëdhëniet dypalëshe mes RMV dhe Rusisë”.

Në deklaratën zyrtare nuk është bërë i ditur emri i diplomatit, por disa media maqedonase raportojnë se diplomati që dyshohet se duhet të largohet nga Moska është Sejfulla Shaqiri. Megjithatë një gjë e tillë ende nuk është konfirmuar.

Këto masa nga Rusia janë një kundërpërgjigje ndaj vendimit të palës maqedonase, ku në muajin maj shpalli për non-grata një diplomat nga Ambasada ruse në Shkup.

Lidhur me këtë misioni diplomatik rus në Shkup paralajmëroi se Moska po konsideronte kundërmasa.

Kundërmasat nga ana e rusisë janë nxitur edhe pasi disa shtete të tjera në Evropën Qendrore dhe Lindore, të gjitha anëtare të BE-së dhe NATO-s, kanë dëbuar diplomatë rusë së fundmi.

Etiketimet

Erdogan tërhiqet nga paralajmërimi për dëbimin e ambasadorëve

Presidenti turk Recep Tayyip Erdogan deklaroi të hënën se ambasadorët të cilët kishte paralajmëruar se do t’i dëbonte kishin bërë një hap pas dhe...

BDI e kriminalizuar, duhet larguar nga çdo pushtet, thotë kryebashkiaku i Gostivarit

Bashkimi Demokratik për Integrim është i kriminalizuar dhe duhet larguar nga çdo pushtet, sipas Sekretarit të Përgjithshëm të Partisë Aleanca për Shqiptarët. Arben Taravari, njëherazi...

Vetingu i politikanëve, Basha: Të largojmë të korruptuarit. Balla: Do e shqyrtojmë sipas Venecias

Nga foltorja e Kuvendit, kreu i Partisë Demokratike, Lulzim Basha i cilësoi 3 amendamentet për reformën zgjedhore, atë territoriale dhe vetingun e politikanëve si 3 prioritete absolute...

Regjistrohu për të marrë NEWSLETTER